بورکینافاسو جمهورباشقانی استعفا ائتدی

بورکینافاسودا عسگر طرفین‌دن گؤزآلتینا آلینان جمهورباشقانی راک کریستیان کابوره، استعفا ائده‌رک وظیفه‌سیندن آیریلدی.

کابوره، ال یازیسییلا قلمه آلدیغی و اؤلکه‌ده قورولان یئنی جونتا (نظامی قورول) یؤنتیمینه خطاب اولاراق یازدیغی مکتوبون‌دا، بازار گونوندن بو یانا یاشانان حادثه‌لرین آردیندان توپلومون یوکسک یاراری اوچون بوتون وظیفه‌لرین‌دن استعفا قراری آلدیغینی یازدی.

کابوره‌نین مکتوبو سوسیال مئدیادا بیر چوخ حساب طرفیندن پایلاشیلدی.

اؤلکه‌ده بازار گونو باشلایان عسگری حرکتلیلیگین آرخاسین‌دان دونن آخشام اؤزلرینه "قورتولوش و اوناریم اوچون وطن سئور حرکت" آدینی وئره‌ن جونتا، یؤنتیمه ال قویدوغونو بیلدیرمیشدی.

جونتا آچیقلاماسیندا آنایاسانین آسقییا آلیندیغی، حکومتین و مجلیسین لغو ائدیلدیگی، گئجه یاریسیندان اعتباراً هاوا ایله قورو سرحدلرینین ایکینجی بیر امره قدر باغلی ساخلانیلاجاغی، ایکینجی بیر امره قدر ساعات ۲۱.۰۰د‌ن ۰۵.۰۰ه قدر کوچه‌یه چیخما قاداغاسی اعلان ائدیلدیگی بیلدیریلمیشدی.