اومیکروندان داها یولوخوجو واریانت لاری اولا بیلیر
دونیا ساغلیق تشکیلاتی اومیکروندان داها یولوخوجو واریانت لارینین میدانا چیخماسینی استثنا ائتمهییب.
"کوروناویروسون گلهجک واریانت لاری اومیکروندان داها یولوخوجو اولا بیلر"
بونو دونیا ساغلیق تشکیلاتینین متخصصی ماریا ون کرهوو تشکیلاتین سوسیال شبکهلرده یاییملادیغی پروقرامیندا چیخیشی زامانی دئییب.
اکسپرت علاوه ائدیب کی، بو ویروس نه قدر چوخ یاییلسا، بیر او قدر چوخ دییشیکلیکلر باش وئرهجک: "اومیکرون موذاکیره ائدجگیمیز سون واریانت اولمایاجاق و گلهجکده ناراحاتلیق دوغوران واریانتلارین اولماسی داها چوخ رئال گؤرونور. کوروناویروسون یئنی واریانت لارینین خاصه لری حاضیردا معلوم دئییل، لاکین اونلارین داها یولوخوجو اولاجاغینا شوبهه یوخدور، چونکی اونلار حاضیردا دؤوریهده اولان واریانتلاری اوستهلمهلی اولاجاقلار".
دونیا ساغلیق تشکیلاتی تمثیلچیسی بیلدیریب کی، یئنی واریانت لار داها چوخ و یا داها آز شدتلی خستهلیگه سبب اولا بیلر، عینی زاماندا توخونولمازلیقدان چیخا بیلر: "اومیکرون هله ده تهلوکهلیدیر و ضعیف حساب ائدیلمهمهلیدیر".