گوترش روسیا ایله امریکا آراسینداکی دیالوقو کریتیک حساب ائتدیگینی بیلدیریب

باش کاتیب بمت-نین مرکز اوفی‌سینده ژورنالیست‌لره آچیقلاماسیندا بو باره‌ده دانیشیب.

1762661
گوترش روسیا ایله امریکا آراسینداکی دیالوقو کریتیک حساب ائتدیگینی بیلدیریب

بمت-نین باش کاتیبی آنتونیو گوترش روسیا فدراسیونو ایله امریکا آراسینداکی دیالوقو کریتیک حساب ائتدیگینی بیلدیریب.

باش کاتیب بمت-نین مرکز اوفی‌سینده ژورنالیست‌لره آچیقلاماسیندا بو باره‌ده دانیشیب.

"البته، هر کس گرگینلیگین حاضیرکی نوضعیتدن ناراحات‌دیر. روسیا فدراسیونو، امریکا و ناتو آراسیندا گرگینلیگین آزالدیلماسی و بو و یا دیگر قارشیدورمانین قارشی‌سینی آلماق اوچون چوخ واجیب‌دیر"، دئیه گوترش وورغولاییب.

بمت باش کاتیبی‌نین فیکرینجه، وضعیتین گرگینلشمه‌سی آوروپا و بوتون دونیا اوچون فلاکت اولار. او بیلدیریب کی، دیالوق پروسه سینده گرگین‌لیگی آزالتماق اوچون بیر یول تاپماق لازیم‌دیر.

خاطیرلاداق کی، بازار ارته‌سی ژنوده تهلوکه‌سیزلیک ضمانت‌لری ایله باغلی مسئله‌لر اوزره روسیا- امریکا مصلحت لشمه‌لری کئچیریلیب. چرشنبه گونو بروکسل-ده روسیا-ناتو شوراسی‌نین ایجلاسی، جمعه آخشامی ایسه ویانادا آتت-ین دایمی شوراسی‌نین ایجلاسی کئچیریلیب.



ایلگیلی‌لی خبرلر