آوروپا بیرلیگینه غیری-قانونی گیریشلر آرتیب

2021-جی ایلده آوروپا بیرلیگی سرحدلرینه غیری-قانونی یول‌لارلا داخیل اولان‌لارین سایی اوولکی ایله موقاییسه‌ده 57 فایز آرتا‌راق 195 مینه چاتیب.

آوروپا بیرلیگی سرحد تهلوکه‌سیزلیگی آژانسی "Frontex"-ین معلوماتینا گؤره، آوروپا بیرلیگی اؤلکه‌لرینه غیری-قانونی گیریش سیاحت محدودیت‌لری‌نین یومشالدیلماسی ایله یئنی نوع کوروناویروس (کووید-19) اپیدمی سیندن اوولکی سویه‌نی کئچیب.

کئچن ایل سرحدلری قانون‌سوز کئچن‌لرین سایی 2020-جی ایلله موقاییسه‌ده 57 فایز، 2019-جو ایلله موقاییسه‌ده ایسه 36 فایز آرتیب.

کئچن ایل گیریش‌لر اوچون ان چوخ ایستیفاده ائدیلن گذرگاه مرکزی آغ دنیزی ایدی. بو گذرگاهدان 65 میندن چوخ اینسان آوروپا بیرلیگی اؤلکه‌لرینه داخیل اولوب. مرکزی آغ دنیزیندن گیریش‌لر 2020-جی ایله موقاییسه‌ده 83 فایز آرتیب. باتی آغ دنیزی بولگه سیندن داخیل اولما‌لار 6 فایز آرتا‌راق 18 مینی کئچیب.

دوغو آوروپا‌دان، خصوصاً ده بلاروس‌دان آوروپا بیرلیگی اؤلکه‌لرینه گیریش مین فایز آرتیب. 2021-جی ایلده بلاروس-‌دان قانون‌سوز داخیل اولان‌لارین سایی 8 مینه یاخین اولوب.

آوروپا بیرلیگی سرحدلرینه ان چوخ غیری-قانونی یول‌لارلا گیرن‌لر سوریه-لیلراولوب. سوریه-لیلری تونیس‌لی‌لر، مراکش‌لی‌لر، الجزایرلی‌لر و افغان‌لار ایزله‌ییب.