برزیلیا-دا قایانین اوچماسی نتیجهسینده اؤلنلرین سایی 10-ا یوکسلیب
برزیلیانین میناس گرایس ایالتینده توریستلرین میندیگی قاییقلارین اوزرینه بؤیوک قایا پارچاسینین دوشمهسی نتیجهسینده اؤلنلرین سایی 10-ا یوکسلیب.
برزیلیانین میناس گرایس ایالتینده توریستلرین میندیگی قاییقلارین اوزرینه بؤیوک قایا پارچاسینین دوشمهسی نتیجهسینده اؤلنلرین سایی 10-ا یوکسلیب.
میناس گرایس یانغیندان محافظه ایدارهسینین وئردیگی آچیقلامادا (دونن) کاپیتولیو شهرینده توریستلری داشییان قاییقلارین اوزرینه بؤیوک بیر قایا پارچاسینین دوشمهسی نتیجهسینده قضا یئرینده ایتن ایکی نفرین جسدینین تاپیلدیغی بیلدیریلیب.
بونونلا دا قضادا حیاتینی ایتیرنلرین سایی 10-ا یوکسلیب.
حادثه زامانی 32 نفر یارالانیب، اونلاردان 4-او خستهخانادا معالیجه اولونور. دیگر طرفدن، آختاریش ایشلرینین سونا چاتدیغی بیلدیریلیب.
قضا نتیجهسینده 20 نفرین ایتکین دوشدوگو، داها سونرا ایسه بو شخصلردن 16-نین ایالتدکی خستهخانالاردا اولدوغو آچیقلانیب.
برزیلیانین گونئی-دوغوسونداکی میناس گرایس ایالتینین کاپیتولیو شهریندهکی فورناس گؤلونده توریستلر قاییقلا گزینتییه چیخارکن نهنگ قایا پارچاسی قاییقلارین اوزرینه دوشوب. دوشن نهنگ قایا 2-سی بیرباشا و 2-سی دولایی اولماقلا 4 قاییغا تأثیر ائدیب.
متخصصلر قایانین میناس گرایسین سون گونلر یاغان گوجلو لیسانلارا معروض قالماسی نتیجهسینده یارانان ائروزیا نتیجهسینده اوجدوغونو احتیمال ائدیرلر.
ایلگیلیلی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجهسینده اؤلن گنج ده تظاهراتدا آنیلیب