امریکا-دا 19 مرتبهلی بینادا یانغین: 19 نفر اؤلوب
بونو نیویورک شهرینین یانغیندان محافظه ایدارهسینین رئیسی دانیل نیگرو مطبوعات کنفرانسیندا بیلدیریب.
امریکانین نیویورک ایالتینین برانکس شهرینده چوخ مرتبهلی یاشاییش بیناسیندا باش وئرن یانغیندا 9-و اوشاق اولماقلا، آزی 19 نفر اؤلوب.
بونو نیویورک شهرینین یانغیندان محافظه ایدارهسینین رئیسی دانیل نیگرو مطبوعات کنفرانسیندا بیلدیریب.
ایداره رئیسی علاوه ائدیب کی، یانغین اولجه ایکینجی مرتبهدهکی منزیلده باشلاییب: "منزیلده یاشایان عائلهنین تخلیهسی زامانی قاپینی آرخادان باغلاماماسی آلوو و توستونون سرعتله یاییلماسینا سبب اولوب. ایکینجی و اوچونجو مرتبهلری آلوو بوروگوب، بئلهلیکله بوتون بینا توستویه غرق اولوب. دئمک اولار کی، بینانین هر مرتبهسیندن جسد تاپیلیب. آزی 63 نفر یارالانیب، اونلاردان 32-نین وضعیتی آغیردیر".
نیویورک بلدیه صدری اریک آدامز دا وئردیگی آچیقلامادا
"بو، معاصر دؤورده نیویورک شهرینده شاهیدی اولدوغوموز ان دهشتلی یانغینلاردان بیری اولاجاق" دئییب.
نیویورک-دا چوخ مرتبهلی یاشاییش بیناسیندا باش وئرن یانغینا ناساز الکتریک قیزدیریجیسینین سبب اولدوغو بیلدیریلیب.