آوروپا بیرلیگی: قازاقیستانین مستقیللیگینه سایغی گؤستریلمه‌لی
"کولکتیو گوونلیک آنلاشماسی تشکیلاتی، عسگر گؤندردیگی قازاقیستانین اگمنلیگی و مستقیللیگینه سایغی گؤستریلمه‌لی"
آوروپا بیرلیگی، کولکتیو گوونلیک آنلاشماسی تشکیلاتینین عسگر گؤندردیگی قازاقیستانین اگمنلیگی و مستقیللیگینه سایغی گؤستریلمه‌سی لازیم اولدوغونو آچیقلادی.
آوروپا بیرلیگی کمیسیونو سؤزچوسلرین‌دن نبیلا مسرالی، گونده‌لیک مطبوعات کنفرانسین‌دا قازاقیستان‌داکی اعتراضلار و جمهورباشقانی قاسم جومرت توکایئوین طلبی ایله اؤلکه‌یه کولکتیو گوونلیک آنلاشماسی تشکیلاتینین عسگر گؤندرمه‌سی حاقین‌داکی سوالی جاوابلادی.
قازاقیستان‌داکی هر کسه اعتدال چاغریسی ائتدیکلرینی خاطیرلادان و پروبلئملرین باریشچیل یوللارلا حل ائدیلمه‌سینی آرزولایدیقلارینی وورغولایان مسرالی، گؤستریلرده خشونت و یاغمالاما کیمی حادثه‌لری قینادیقلارینی ایفاده ائتدی.
مسرالی، کولکتیو گوونلیک آنلاشماسی تشکیلاتینین عسگر گؤندرمه‌سی ایله باغلی،
"طبیعی بونو سؤیله‌مه‌دن گئچمه‌مک لازیم. بو جور بیر گیریشیم قازاقیستانین اگمنلیگی و مستقیللیگینه سایغی گؤسترمه‌لی" دئدی.
قازاقیستان جمهورباشقانی قاسم جومرت توکایئو، اؤلکه‌ده‌کی مؤوجود وضعیت سببی ایله عضوو اولدوقلاری کولکتیو گوونلیک آنلاشماسی تشکیلاتینین اؤلکه لیدئرلرین‌دن کؤمک طلب ائتمیشدی.
کولکتیو گوونلیک آنلاشماسی تشکیلاتی، ۲۰۰۲ده مستقیل دؤولتلر بیرلیگی عضو اؤلکه‌لری روسیا، بلاروس، قازاقیستان، قیرقیزیستان، تاجیکیستان و ارمنیستان طرفین‌دن حکومتلر آراسی عسگری بیرلیک اولاراق قورولدو.
