بمت: اوکراینایا قارشی حربی عملیات گؤرمک ایستمیریک

بیرلشمیش میللت‌لر تشکیلاتی (بمت) اوکراینایا قارشی حربی عملیات گؤرمک ایسته‌مه‌دیگینی بیان ائدیب.

بمت باش کاتیبی‌نین سؤزچوسو استفان دوجاریک  گونده‌لیک مطبوعات بریفینقینده امریکا پرزیدنتی و روسیا‌لی همکاری ولادیمیر پوتین آراسینداکی یوکسک سویه‌لی گؤروش داخیل، روسیا-اوکراینا مؤوضوع سونداکی تماس‌لاری آلقیشلادیق‌لارینی بیلدیریب.

روسیا ایله اوکراینا آراسیندا آرتان گرگینلیگین ناراحات‌لیق دوغوردوغونو ایفاده ائدن استفان دوجاریک "هارا‌دان گلدیگیندن آسیلی اولامایاق اوکراینایا قارشی هانسیسا دوشمن حربی عملیاتی گؤرمک ایستمیریک" دئییب.

استفان دوجاریک گرگین‌لیگی آزالتماق اوچون دیالوگون داوام ائتمه‌سینی آرزولادیق‌لارینی بیلدیریب.

سون آیلاردا روسیانین اوکراینا سرحددینده آرتان حربی ییغیناغی روسیانین اوکراینانی ایشغال ائدجگی ایله باغلی ناراحات‌لیق‌لاری و باتی ایله موسکوا آراسیندا گرگین‌لیگی آرتیریب.

گرگینلیگین آزالدیلماسی چاغیریش‌لاری و بو ایستیقامتده تماس‌لار داوام ائدرکن، گلن هفته روسیا، امریکا و ناتو آراسیندا تهلوکه‌سیزلیک تأمینات‌لارینی دا موذاکیره ائتمک اوچون دانیشیق‌لارین کئچیریلمه‌سی پلانلاشدیریلیر.