سودان باشباخانی استعفا ائتدی

سودانین باشباخانی عبدالله حمدوک وظیفه‌سیندن استعفا ائتدیگینی آچیقلادی.

دؤولت تلویزیونونا آچیقلامالار وئره‌ن عبدالله حمدوک

"سودان خالقینا یول آچماق اوچون امانتی تسلیم ائد‌رک استعفا وئرمه‌یه قرار وئردیم" دئدی.

اؤلکه‌نین فاجعه‌یه دۆشمه‌سینین قارشی‌سینی آلماق اوچون الیندن گله‌نی ائتدیگینی سؤیله‌ین حمدوک،

"سودان انقلابی هدفلرینه دوغرو ایرلیله‌ییر" دئدی.

اؤلکه‌نین قیسا مدتده دوزلمزسه وارلیغینی تهدید ائد‌ن تهلوکه‌لی بیر دؤنوش نقطه‌سین‌دن گئچدیگینی بیلدیره‌ن حمدوک، بوتون چابالارینا باخمایاراق، بحرانا حل یولو تاپماق اوچون بوتون سیاسی و حربی طرفلرله گؤروشدویونو، آنجاق هئچ بیر نتیجه الده ائده‌بیلمه‌دیگینی ایفاده ائتدی.

۲۵ اکتبردا اوردو اؤلکه‌ده حاکمیتی ال قویموش، غیرنظامی یؤنتیم طرفدارلاری ایسه عسگرلرین مرکزلرینه قاییتماسی طلبی ایله او تاریخدن بو یانا گؤستری تشکیل ائدیر. گؤستریلر زامانی باش وئره‌ن حادثه‌لرده ۵۴ نفر حیاتینی ایتیردی.

اوردو ایسه جولای ۲۰۲۳ده سئچیم ایله ایش باشینا گله‌جک حکومت قورولانا قدر اقتدار اورتاغی اولماغا داوام ائدجیگینی بیلدیریر.