"قاراباغین اؤزگورلشمه‌سی ایله تاریخده یئنی بیر صحیفه آچیلدی"
قالین: تورکیه-ارمنیستان و یا تورک-ارمنی چاتیشما‌سی آرتیق سونا چاتماق اوزره‌دیر
جمهورباشقانلیغی سؤزچوسو ابراهیم قالین، قاراباغین اؤزگورلشمه‌سی ایله تاریخده یئنی بیر صحیفه آچیلدیغینی سؤیله‌دی.
آمریکالی مسلمان قورولوشلارینین هر ایل تشکیل ائتدیگی کنگره‌یه قاتیلماق اوچون آمریکادا اولان ابراهیم قالین، تورکیه‌نین شیکاگو باش کونسوللوغوندا آمریکادا یاشایان تورک وطنداشلاری ایله گؤروشدو.
تورکیه-آمریکا ایلیشکیلرینین استراتژیک اورتاقلیق پرسپکتیوینی گلیشدیره‌جک قدر حساس اولدوغونو قید ائد‌ن قالین، دارتیشمالی مسئله‌لرله یاناشی، تورکیه و آمریکانین اوزرینده ایشله‌مه‌یه داوام ائتدیگی و آنلاشدیغی ساحه‌لرین ده اولدوغونا دقت چکدی.
بیر سوالا جاواب اولاراق، آمریکاداکی ارمنی لوبی‌سینین تورکیه قارشیدلیغینی اؤز کیملیگینین بیر پارچاسینا چئویردیگینی سؤیله‌ین قالین،
"قافقازدا چوخ فرق‌لی بیر پروسه گئدیر، ایندی بو دیاسپورون بوتون انرژی‌سینی واستدلالینی اوزرینده قوردوغو یاپی داغیلماق اوزره‌دیر. باشقا سؤزله، تورکیه-ارمنیستان و یا تورک-ارمنی چاتیشما‌سی آرتیق سونا چاتماق اوزره‌دیر. قاراباغین اؤزگورلشمه‌سی ایله بیرلیکده، باغیمسیزلیغینی قازاناراق آذربایجان تورپاقلارینا قاتیلماسی ایله بیرلیکده تاریخده یئنی بیر صحیفه‌سی آچیلدی اوردا" دئیه دانیشدی.
ایلگیلی‌لی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیش‌کسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب
