گمیده یانغین: ان آز ۳۸ نفر حیاتینی ایتیردی
یانغینین سببی هله بیلینمزکن، باشلادیلان آختارما-قورتارما چالیشماسی داوام ائدیر
بنگلادشین گونئییندهکی سوگاندها چاییندا یولچو گمیسینده چیخان یانغین نتیجهسینده ۳۸ نفر حیاتینی ایتیردی.
بنگلادشدهکی سوگاندها چاییندا حرکت حالینداکی بیر یولچو گمیسینده یئرلی ساعاتلا ۰۳.۰۰ سیرالاریندا یانغین چیخدی.
جلوکاتی بؤلگهسیندن قورتارما یئتکیلیسی کالام حوساین بهویان وئردیگی آچیقلامادا،
"بو آنا قدر ۳۸ جانسیز بدن چیخاردیق" دئدی.
گمینین باشکند داکادان بارگونایا دوغرو حرکت ائتدیگینی ایفاده ائتدی.
بیر باشقا یئتکیلی ایسه ۵۰دن چوخ انسانین خستهخانایا قالدیریلدیغینی و بعضیلرینین وضعیتینین پیس اولدوغونو ایفاده ائدرک، اؤلو ساییسینین داها دا آرتابیلهجگینی سؤیلهدی.
بعضی یولچولارین ایسه هله ایتکین وضعیتده اولدوغو ایفاده ائدیلیر.
یانغینین سببی هله بیلینمزکن، باشلادیلان آختارما-قورتارما چالیشماسی داوام ائدیر. گمیده ۵۰۰ نفره یاخین یولچو وار ایدی.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.