هیندیستان باش قرارگاه باشقانینی داشییان هلیکوپتر دوشدو

هیندیستان باش قرارگاه باشقانی ژنرال بیپین راواتی داشییان هلیکوپترین دوشدوگو آچیقلاندی.

هیندیستان هاوا گوجلری توئیتردن یاییملادیغی آچیقلامادا، باش قرارگاه باشقانی راواتین ایچین‌ده اولدوغو هلیکوپترین تامیل نادو یاخینلارین‌دا دوشدوگونو بیلدیردیردی.

هیندیستان هاوا گوجلری، باش قرارگاه باشقانی راواتین سانحه‌ده یارالانیب یارالانمادیغینا باغلی هر هانسی بیر آچیقلاما وئریلمه‌دی.

هیندیستان دؤولت تلویزیونو پراسار بهاراتی، آلوولار ایچین‌ده‌کی هلیکوپتری سؤندورمه‌یه چالیشان یئرلی ساکینلری گؤستررکه‌ن، اوچ یارالینین دا خسته‌خانایا قالدیریلدیغی معلوماتینی وئردی.

ایندیان اکسپر‌سین خبرینه گؤره، هلیکوپترده باش قرارگاه باشقانی راوات، حیات یولداشی، بعضی عائله عضولری و عسگری پرسنلدن اولوشان ۱۴ نفر وار ایدی.

هیندیستان خبر آگئنت‌لیگی پرئسس تروست ایسه دوشه‌ن وئرتولیوتون بیر هاوا قوه‌لری اساسین‌دان اوردویا عایید بیر مکتبه دوغرو یولا چیخدیغینی ایفاده ائتدی.

قضانین سببینین معین اولونماسی اوچون سوروشدورما باشلادیلدی.