ینس استولتنبرگ: "روسیانین اوکراینا سرحدینده‌کی حربی فعالیتینی ناراحات‌لیقلا ایزلییریک"
ناتو-نون باش کاتیبی ینس استولتنبرگ روسیانین اوکراینا سرحدینده‌کی حربی فعالیتینی ناراحات‌لیقلا ایزله‌دیک‌لرینی بیلدیریب.
ناتو-نون باش کاتیبی ینس استولتنبرگ روسیانین اوکراینا سرحدینده‌کی حربی فعالیتینی ناراحات‌لیقلا ایزله‌دیک‌لرینی بیلدیریب.
باش کاتیب "روسیانین اوکراینایا قارشی هر هانسی تجاووزونون بیر جاوابی اولا‌جاق، هم سیاسی، هم ده اقتصادی نتیجه‌لری اولا‌جاق" دئییب.
ینس استولتنبرگ بو گون و صاباح ناتو خاریجی ایشلر ناظیرلری توپلانتی‌سی‌نین کئچیریله‌جگی لتونیا-نین پایتاختی ریگا-دا دونن لتونیا پرزیدنتی اگیلس لوتس ایله بیرگه مطبوعات کنفرانسی کئچیریب.
ایکی گون داوام ائده‌جک گؤروشده روسیانین اوکراینا سرحددینده حربی بیرلشمه‌لری و بلاروس‌دان لهستان، لتونیا و لیتوانیایا کئچمک اوچون سرحده گئدن شخص‌لرله باغلی وضعیتین موذاکیره ائدیله جگینی بیلدیرن استولتنبرگ بلاروس رهبرلیگی‌نین قاچقین‌لاردان سوء-ایستیفاده ائتدیگینی و بونون بولگه سل ثابت‌لیگه ضرر وئردیگینی سؤیله‌ییب.
اوکراینا-روسیا سرحدینده‌کی وضعیتی دقتله و ناراحات‌لیقلا ایزله‌دیک‌لرینی بیلدیرن استولتنبرگ دئییب:
"روسیا بو ایل ایکینجی دفعه‌دیر کی، بولگه ده اؤز قوه‌لرینی گئنیش میقیاس‌لی و غیری-آدی شکیلده توپلاییب. بورادا آغیر سلاح‌لار، توپچولار، زیره لی بؤلمه‌لر، پیلوت‌سوز اوچوش آپارات‌لاری و الکترونیک ساواش سیستم لری ایله 10 مین لرله دؤیوشه حاضیر عسگری گؤروروک. بو حربی بیرلشمه سبب‌سیز و ایضاح ائدیلمه‌میش شکیلده بورادا‌دیر. بو وضعیت گرگین‌لیگی و یانلیش حسابلاما‌لار احتیمالینی آرتیریر. روسیانین اوکراینایا قارشی هر هانسی تجاووزونون جاوابی هم سیاسی، هم ده اقتصادی نتیجه‌لری اولا‌جاق. روسیا شفاف اولما‌لی و گرگین‌لیگی آزالتما‌لی‌دیر".
ناتو-نون بالتیک بولگه سینده مؤوجودلوغونون آرتیریلماسی پلان‌لاری‌نین اولوب-اولماماسی ایله باغلی سوالا استولتنبرگ بیلدیریب کی، 2014-جو ایلده روسیانین قیریمی قانون‌سوز ایلحاقیندان سونرا ناتو بؤلگه‌دکی وارلیغینی آرتیریب.
"سویوق محاربه بیتدیک‌دن سونرا سون ایللرده توپلو ساوونمامیزین ان بؤیوک گوجلندیریلمه‌سینی رئاللاشدیردیق" دئین استولتنبرگ ناتو موداخیله قوه‌لری‌نین سایینی اوچ دفعه آرتیردیق‌لارینی و 40 مین عسگره چاتدیردیق‌لارینی و بو قوه‌نین ضروری حال‌لاردا قیسا مدتده گؤندریله بیله‌جگینی دیله گتیریب.
ینس استولتنبرگ ناتو خاریجی ایشلر ناظیرلری توپلانتی‌سیندا روسیا‌دان باشقا گلن ایل ایسپانیادا کئچیریله‌جک ناتو ذیروه سینده قبول ائدیلمه‌سی پلان‌لاش‌دیریلان یئنی استراتژی کونسپتی‌نین دا موذاکیره ائدیله‌جگینی بیلدیریب.
ناتو-نون قوزیی امریکا و آوروپانین اتفاقی اولدوغونو خاطیرلا‌دان ینس استولتنبرگ بولگه‌نین قلوبال تهلوکه و سیناق‌لارلا اوز-اوزه قالدیغینی، چین-ین یوکسلیشی ایله قلوبال گوج بالانسی‌نین دییشدیگینی و بوتون بون‌لارین یئنی استراتژی کونسپت بولگه سینده یئرآلماسی‌نین واجیب‌لیگینی وورغولاییب.
ایلگیلی‌لی خبرلر
روسیه‌نین اوکراین راکت هوجوملاری
روسیه‌نین اوکراینین دنیپروپترووسک ویلایتینه راکت هوجوملاری نتیجه‌سینده ۸ نفر اؤلوب، 29 نفر یارالانیب
