ژاپونیا و روسیا باریش دانیشیغینا دایر موذاکیره‌لره باشلاماق قرارینا گلیب‌لر

ژاپونیانین خاریجی ایشلر ناظیری یوشیماسا هایاشی ایله روسیانین خاریجی ایشلر ناظیری سئرگی لاوروو آراسیندا تلفون دانیشیغی اولوب.

بونونلا باغلی معلوماتی ژاپونیا خاریجی ایشلر ناظیرلیگی یاییب.

بیلدیریلیب کی، ناظیرلر 40 دقیقه‌لیک تلفون دانیشیغیندا ایکینجی دونیا محاربه‌سیندن سونرا باریش موقاویله‌سی ایله باغلی موذاکیره‌لری داوام ائتدیرمگی راضیلاشدیریب‌لار.

یوشیماسا هایاشی ایکی اؤلکه آراسیندا سیاسی، اقتصادی و مدنی علاقه‌لرین قارشی‌لیق‌لی فایدا وئرجگینه اومید ائتدیگینی بیلدیریب. معلوماتا اساساً، ناظیرلر اوکراینا و بلاروس‌-داکی سون وضعیتی موذاکیره ائدیب‌لر.

ژاپون ناظیر اؤلکه‌سی‌نین اوکراینا و بلاروس-دا سون دؤورده آرتان گرگین‌لیگه دایر ناراحات‌لیغینی دا روسیا‌لی همکارینا چاتدیریب.

ژاپونیا طرفی ادعا ائدیر کی، ایکینجی دونیا محاربه‌سی‌نین سونوندا کئچمیش شوروی ساکیت اقیانوس ایله اوخوت دنیزینی بیر-بیریندن آییران و کوریل آدا‌لارینا اوزانان تخمینن 1300 کیلومتر بویونجا بیر اراضینی 1945-جی ایلده ایلحاق ائدیب.

موسکوا رسمی توکیونون بو ادعا‌لارینی رد ائده‌رک، همین تورپاق‌لارین روسیایا مخصوص اولدوغونو بیلدیریر.