سئچکی‌لرین قالیبی مادورونون حاکم پارتیسی اولدو

ونزوئلا-دا 21 نوامبردا کئچیریلن بولگه سل و بلدیه سئچکی‌لری‌نین قالیبی 23 ایالت دن 20-ده قالیب گلن پرزیدنت نیکولاس مادورونون پارتیسی اولوب.

ونزوئلا خالقی 23 والی، 335 بلدیه باشچی‌سی و 2471 بلدیه مجلیس عضوونو سئچمک اوچون جدی تهلوکه‌سیزلیک شرایطینده سس وئریب.

میللی سئچکی شوراسی‌نین (CNE) سون آچیقلاماسینا گؤره، سس‌لرین 99،20 فایزی‌نین راپورو رسمی اولمایان نتیجه‌لره گؤره، حاکم پارتی اولان ونزوئلا بیرلشمیش سوسیالیست پارتیسی (PSUV) پایتاخت کاراکاس داخیل، 23 والی‌لیک‌دن 20-دن قالیب چیخیب.

بؤیوک وطن‌پرور قوطب (Gran Polo Patriotico)  بیرلیگی اولا‌راق سئچکی‌لره قاتیلان حاکم پارتی آیریجا یئکون‌لاشان 335 بلدیه صدریندن 205-نی قازانیب.

موخالیفت پارتیا‌لاری ایسه 4 ایللیک بویکوت‌دان سونرا دموکراتیک بیرلیک ماساسی (MUD) اولا‌راق قاتیلدیق‌لاری سئچکی‌لرده اها‌لی‌سی ان سیخ اولان ایالت‌لردن زویلادا اوغورلو اولماسی ایله یاناشی 117 بلدیه قازانیب.

میللی سئچکی شوراسی 2 ایالت و 13 بلدیه‌ده هانسی پارتیا‌لارین قالیب گلدیگی‌نین هله معین ائدیلمه‌دیگینی و نظارتین داوام ائتدیگینی بیلدیریب.

اؤلکه اوزره قئیدیاتدا اولان 21 میلیون 159 مین 846 سئچیجی‌دن یالنیز 8،1 میلیونونون سس وئردیگی سئچکیده ایشتیراک نیسبتی‌نین 42،26 فایز اولدوغو قئید ائدیلیب.