دوققوز جسد کؤرپویه آسیلی اولاراق تاپیلدی
بیر اوست گئچیدین دمیرلریندن آسیلی ۹ جسدین گؤرولدوگو، ۱ جسدین ایسه یول کنارین‌دا تاپیلدیغی ایفاده ائدیلدی
مکزیک‌ین ساکاتکاس ایالتین‌ده دوققوزو اوست گئچیددن آسیلمیش حال‌دا اولماق اوزره، ۱۰ جسد تاپیلدی.
ساکاتکاس توپلوم گوونلیگی دایره‌سین‌دن یاییملانان آچیقلامادا، ایالتین کاتموک بؤلگه‌سین‌ده‌کی بیر اوست گئچیدین دمیرلریندن آسیلی ۹ جسدین گؤرولدوگو، ۱ جسدین ایسه یول کنارین‌دا تاپیلدیغی ایفاده ائدیلدی.
۱۰ جسدین ده کیشی اولدوغو یازیلان آچیقلامادا، قوربانلارین کیملیگینه دایر بیلگی وئریلمه‌دی.
یئرلی مطبوعاتین‌داکی خبرلره گؤره، بازار ارته‌سی گونو ده ساکاتکاس‌دا ۳ جسد کؤرپویه آسیلی اولاراق تاپیلمیشدی.
اویوشدوروجو چته‌لری اوچون استراتژیک اؤنمی اولان ساکاتکاس ایالتینین کنترلو اوچون اؤلکه‌نین ان گوجلو کارتللری خالیسکو یئنی نسیل کارتلی و سینالوا، تئز تئز قارشی قارشییا گلیر.
ساکاتکاس‌دا گئچه‌ن ایل ۱۰۶۵، بو ایلین ایلک ۷ آیین‌دا ایسه ۸۰۰دن چوخ انسان حیاتینی ایتیردی.
بیلگیلره گؤره،مکزیکده بو ایلین ایلک ۹ آیین‌دا ۲۵ مین‌دن چوخ انسانین جینایته قوربان گئتدیگینه ایشاره ائدیر.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
