امریکا-دان روسیا-یا بلاروس مئساژی

امریکا روسیانی لهستان-بلاروس سرحدینده‌کی کوچمن بحرانی ایله باغلی بلاروسا تأثیریندن ایستیفاده ائتمه‌یه دعوت ائدیب.

آغ ائوین سؤزچوسو جن ساکی گونده‌لیک مطبوعات کنفرانسیندا گوندمی دیرلندیریب.

لهستان-بلاروس سرحدینده‌کی کوچمن بحرانینی یاخیندان ایزله‌دیک‌لرینی ایفاده ائدن جن پساکی "بیز باش وئرن‌لره گؤره لوکاشنکو (بلاروس پرزیدنتی) رژیمی‌نین مسئول توتولماسی ایله باغلی آوروپا‌لی طرفداش‌لاریمیزلا سیخ علاقه ساخلاییریق. بونا تحریم لر ده داخیل‌دیر" ایفاده‌سینی ایشله‌دیب.

امریکا پرزیدنتی جو بایدن و روسیا پرزیدنتی ولادیمیر پوتین آراسیندا یاخین واخت‌لاردا تلفون دانیشیغینی گؤزله‌مدیگینی قئید ائدن ساکی دئییب:

"روسیانی بلاروس اوزرینده‌کی نفوذون‌دان لوکاشنکو رژیمی‌نین اومیدسیز شخص‌لره قارشی سوء-ایستیفاده‌سینی دایان‌دیرماق اوچون ایستیفاده ائتمه‌یه چاغیریریق. روسیا ایله بلاروس آراسینداکی موناسیبت‌لر و روسیانین بونو ائتمک گوجونه دایر هئچ بیر شوبهه‌میز یوخ‌دور".