ترامپ واشینگتن‌داکی هتلینی ساتیر
آغ ائو یاخینیندا یئرلشه‌ن هتل ۲۰۱۶.جی ایلین سپتامبر آیین‌دا آچیلمیشدی
آمریکانین گئچمیش پرزیدنتی دونالد ترامپ واشینگتن‌داکی «ترومپ اینترنشنال هتل»ی ۳۷۵ میلیون دلارا ساتیر.
بی‌بی‌سی‌ده یاییملانان خبرده، ترامپین واشینگتن‌داکی عائله شیرکتی اولان ترامپ اورگانیزاسیونونون هتلین ساتیشی اوچون میامی مرکزلی یاتیریم شیرکتی سی‌جی‌آی مرشینت گروپ ایله آنلاشدیغی بیلدیریلدی.
آچیقلامادا هتلین ساتیشی اوچون ۳۷۵ میلیون دلارا آنلاشیلدیغی و تحویلینین ۲۰۲.جی ایلین بیرینجی دؤردده‌بیرینده حیاتا گئچیریله‌جگی، ساتیش‌دان سونرا هتلین یئنی آدینین والدورف آستوریا اولاجاغی و هیلتون گروپ طرفین‌دن ایداره اولوناجاغی بیلگیسی یئر آلدی.
ترامپ اورگانیزاسیونونون، ۶۰ ایللیک ایجاره سؤزلشمه‌سی اولدوغو ۲۶۳ اوتاقلی هتل اوچون ۲۰۱۹.جو ایلده‌ن بری آلیجی آختاردیغی بیلینیر.
آمریکا سناسی، "هتلین خاریجی حکومتلردن میلیونلارجا دلارلیق اؤدمه آلاراق فدرال یئتکیلیلرین دیگر حکومتلردن هدیه و یا اؤدمه آلماسینی قاداغان ائد‌ن آنایاسا ماده‌سینی" پوزما ادعاسی ایله سوروشدورما آچمیشدی.
آراشدیرمادا، ترامپین باشقانلیق دؤورونده هتلین ۷۰ میلیون دلار ضرر ائتدیگی و خاریجی حکومتلردن ۳،۷ میلیون دلارلیق اؤدمه آلدیغی بللی اولموشدو.
آغ ائو یاخینیندا یئرلشه‌ن هتل ۲۰۱۶.جی ایلین سپتامبر آیین‌دا آچیلمیشدی.
ایلگیلی‌لی خبرلر
روسیه‌نین اوکراین راکت هوجوملاری
روسیه‌نین اوکراینین دنیپروپترووسک ویلایتینه راکت هوجوملاری نتیجه‌سینده ۸ نفر اؤلوب، 29 نفر یارالانیب
