امریکا پرزیدنتی چین-‌لی همکاری ایله گؤروشو واجیب حساب ائدیر

امریکا پرزیدنتی جو بایدن چین خالق جمهوریتی‌نین صدری شی جین پینگ ایله گؤروشون ضروری‌لیگینه امین‌دیر، چونکی واشینگتن و پکن آراسینداکی رقابت فونوندا دیپلوماتیک تماس‌لار خصوصی اهمیت کسب ائدیر.

بونو امریکا پرزیدنتی‌نین تهلوکه‌سیزلیک مسئله‌لری اوزره کؤمکچی‌سی جیک سالیوان سؤیله‌ییب.

اونون سؤزلرینه گؤره، بایدن شی جین پینگ ایله بیرباشا تماس ایمکانی‌نین اولماسینی واجیب حساب ائدیر، و اگر سیاحت محدودیت‌لری سببیندن بونو شخصاً ائتمک مومکون دئییلسه، اوندا گونجل گؤروش کئچیرمک داها یاخشی اولاردی.

"بیز محض بونو ائتمگی دوشونوروک"، - دئیه سالیوان بیلدیریب.

پرزیدنتین کؤمکچی‌سی قئید ائدیب کی، امریکا و چین آراسیندا گرگین رقابت دؤورونده ان یوکسک سویه‌ده، لیدرلر سویه‌سینده فشرده دیپلوماتیک علاقه بو موناسیبت‌لرین افکتیو ایداره اولونماسیندا مهم رول اویناییر.