آنگلا مرکل: "افغانیستان-دا اقتصادی چؤکوشون قارشیسی اولوسلار آراسی یاردیملارلا آلینمالیدیر"
آلمانیا کانسلری آنگلا مرکل گ20 لیدرلری ایله افغانیستان ایلی باغلی دانیشیقلارین یئکونوندا ژورنالیستلره آچیقلاما وئریب.
"افغانیستان-دا اقتصادی چؤکوشون قارشیسینین اولوسلار آراسی یاردیملارلا آلینماسی واجیبدیر".
بونو آلمانیا کانسلری آنگلا مرکل گ20 لیدرلری ایله افغانیستان ایله باغلی دانیشیقلارین یئکونوندا ژورنالیستلره دئییب.
"نه الکتریک، نه ده مالیه سیستمی اولمادیغی اوچون افغانیستان-دا 40 میلیون اینسانین خاوسا دوشمهسینی ایزلمک اولوسلار آراسی توپلومون مقصدی اولا بیلمز و اولمامالیدیر" دئیه آنگلا مرکل بیلدیریب.
افغانیستان-دا مالیه سیستمینین چؤکمهسینین هئچ کیمه خیرینین اولمایاجاغینا مرکل "او زامان اینسانی یاردیم دا آرتیق گؤستریله بیلمز" دئییب.
آنگلا مرکل افغانیستان-دا مالیه سیستمینین چؤکمهسینین قارشیسینی آلماق اوچون اولوسلار آراسی پول فوندونون و دونیا بانکینین اوزرینه بؤیوک وظیفهلر دوشدوگونو بیلدیریب.
آلمانیا کانسلری آیریجا، ترورلا موباریزهنین اهمیتینه ده دقت چکهرک، افغانیستانین خاریجی دونیا اوچون تهلوکه یاراتماماسی واجیبلیگینی وورغولاییب.