حبس‌خانادا یانغین: ۴۰دان چوخ محکوم حیاتینی ایتیردی

یانغین سؤندورولرکن حبس‌خانانی کنترل آلتینا آلماق اوزره یوزلرله عسگر و پلیس بؤلگه‌یه گؤندریلدی

1704561
حبس‌خانادا یانغین: ۴۰دان چوخ محکوم حیاتینی ایتیردی

اندونزی‌ده، باشکند جاکارتا یاخینلارین‌داکی تانگرانگ حبس‌خاناسین‌دا چیخان یانغین‌دا ۴۱ محکوم حیاتینی ایتیردی.

اندونزی حقوق و انسان حاقلاری باخانلیغی حبس‌خانالار دایره‌سی سؤزچوسو ریکا آپریانت، حبس‌خانادا اویوشدوروجو سوچلارین محکوملارینین قالدیغی بلوک‌دا باشلایان یانغین‌دا ۳۹ محکومون دا یارالاندیغینی ایفاده ائتدی.

یئرلی ساعاتلا ۰۱.۰۰ده چیخان یانغین سؤندورولرکن حبس‌خانانی کنترل آلتینا آلماق اوزره یوزلرله عسگر و پلیس بؤلگه‌یه گؤندریلدی.

یانغینین سببی هله بیلینمیر.

اندونزی‌ده توتومونون اوزرین‌ده محکومون توتولدوغو حبس‌خانالاردا تئز-تئز عصیانلار و قاچما حادثه‌لری یاشانیر. یانغینین میدانا گلدیگی تانگرانگ حبس‌خاناسین‌دا، رسمی رقملره گؤره مین ۲۲۵ نفرلیک توتوما صاحب اولدوغو حال‌دا حبس‌خانادا تخمیناً ۲ مین محکوم توتولور.



ایلگیلی‌لی خبرلر