شیکاگودا سلاحلی سالدیری؛ بیر اوشاق اؤلدو
هفته سونو شیکاگودا باش وئرهن آتیشمالاردا بیری اؤلومجول اولماق اوزره ۸ اوشاق یارالاندی
1703764
آمریکانین شیکاگو شهرینده باش وئرهن سلاحلی سالدیریلاردا ۴ یاشیندا بیر اوشاق اؤلدو، ۷ اوشاق یارالاندی.
پلیس مطبوعات کنفرانسیندا، هفته سونو شیکاگودا باش وئرهن آتیشمالاردا بیری اؤلومجول اولماق اوزره ۸ اوشاغین یارالاندیغینی آچیقلادی.
آیبیسی نیوزون خبرینه گؤره، ۴ یاشلی میشل مولتری، شهرین وودلاون محلهسیندهکی ائوینین قارشیسیندا آتیلان سلاحدان چیخان مرمیلرین پنجرهدن گیرمهسی ایله باشیندان ایکی دفعه وورولدو.
خستهخانایا آپاریلان اوشاغی قورتارماق ممکن اولمادی. پلیس، مولترینین قاتیلینی تاپماق اوچون بیلگیه وئرنه ۹۰۰۰ دلار اؤدول وئرهجگینی آچیقلادی.
یارالانان دیگر ۷ اوشاغین ۱۲ یاشدان یوخاری اولدوغو بیلدیریلدی.