آمریکا: تورکیه و قطرله بیرلیک‌ده چالیشیریق
"اؤزل قونو، هاوا لیمانینین نظامی اولمایان طرفینین یئنی‌دن ایشلر حالا گلمه‌سیدیر"
آمریکادان،
"کابل هاوا لیمانینین ایشلر و آچیق حالدا اولماسی اوچون تورکیه و قطرله بیرلیک‌ده چالیشیریق" آچیقلاما‌سی گلدی.
آغ ائو سؤزچوسو جن ساکی گونلوک مطبوعات توپلانتیسیندا آمریکانین افغانیستان‌دان چکیلمه پروسه‌سی و سون حادثه‌لر حاقین‌دا دیرلند‌یرمه‌لر ائتدی. حامد کرزی هاوا لیمانینین آچیق اولماسینین هر کسین چیخارینا اولدوغونو ایفاده ائد‌ن ساکی،
"بورادا اؤنملی اورتاق اولان تورکلر و قطرلی‌لرله بیرلیک‌ده چالیشدیغیمیز داها اؤزل قونو، هاوا لیمانینین نظامی اولمایان طرفینین یئنی‌دن ایشلر حالا گلمه‌سیدیر. بئله‌لیکله، تکجه اینسانلارین تخلیه‌سی دئییل، هم ده دونیا ارزاق پروگرامی کیمی پروگراملار یولو ایله انسانی یاردیمین چاتدیریلماسی دا ممکون اولار" دئدی.
آمریکانین افغانیستان‌دان چکیلمه قرارینی ساوونان ساکی، اؤلکه‌نی ترک ائتمک ایسته‌یه‌نلرین تخلیه‌سی ایله باغلی طالبانلا دانیشیقلارین داوام ائدجگینی ده بیلدیردی.
آمریکانین افغانیستانلا دیپلوماتیک ایلیشکیلرینی داوام ائتدیرمک اوچون طالبانی تانیییب تانیمایاجاغی سوالینا سؤزچو ساکی بئله جاواب وئردی:
"بوتون حاللاردا اولدوغو کیمی، بو دا شرط‌لره باغلی، اما حاضردا بو حکومتی تانیماغا تله‌سمیریک".
ایلگیلی‌لی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجه‌سینده اؤلن گنج ده تظاهراتدا آنیلیب
