دونیادا کوروناویروسا قارشی وورولان واکسن دوز‌لارینین سایی 4 میلیارد 760 میلیونو اؤتوب

آوقوستون 19-دک دونیا اوزره کووید-19 ویروسونا قارشی وورولان آشی دوزلارینین سایی 4 میلیارد 760 میلیونو اؤتوب.

دونیا اؤلکه‌لرینده واکسیناسیون ایستاتیستیکلرینی آپاران  "Ourworldindata.orgسایتی خبر وئریر کی،

 چین 1 میلیارد 880 میلیون دوز ایله بیرینجی یئرده گئدیر. ایکینجی و اوچونجو یئرلرده قرارلاشان هیندوستان-دا 550 میلیون 520 مین، امریکا-دا 357 میلیون 290 مین دوز آشی وورولوب.

وورولان واکسن دوزلارینین سایینا گؤره ایلک اونلوغا، همچنین برزیل (168 میلیون 160 مین)، ژاپونیا (111 میلیون 50 مین)، آلمانیا (97 میلیون 880 مین)، بؤیوک بریتانیا (88 میلیون 40 مین)، تورکیه (85 میلیون 989 مین)، اندونزیا (82 میلیون 910 مین) و فرانسا (80 میلیون 790 مین) داخیل‌دیر.

کووید-19 پاندمیسی‌نین ایستاتیستیکلرینی آپاران "Worldometer” پورتا‌لی‌نین بو گون ساعات 17:00 راده‌لرینه اولان معلوماتینا اساساً، دونیا اوزره یولوخان‌لارین سایی 209 میلیون 574 مینی کئچیب، 4 میلیون 398 میندن چوخ اینسان حیاتینی ایتیریب، ساغا‌لانان‌لارین سایی ایسه 187 میلیون 845 مین نفره یاخینلاشیب.