تونس جمهورباشقانی، مجلسین بوتون صلاحیتلرینی آسقییا آلدی
"تونسین ایچین‌ده اولدوغو یاغما، یانغین و وضعیت قارشیسین‌دا اؤلکه‌نی قورتارماق اوچون فؤوق ا‌لعاده تدبیرلر آلما‌ق لازم"
تونس جمهورباشقانی قیس سعید، مجلسین بوتون صلاحیتلرینی "۳۰ گون مدتله" دوندوردوغونو، ملت وکیللرینین توخونولمازلیقلارینی آسقییا آلدیغینی بیلدیردی.
قیس سعید، باشباخان هشام المشیشینی وظیفه‌دن آلدیغینی و اؤزونون تعیین ائده‌جگی بیر باشباخانین یئریتمه ارکینی تحویل آلاجاغینی، فساد پرونده‌لرینی اورتایا چیخارماق سببیله باش ساوجیلیق وظیفه‌سینی ده اوستلنه‌جگینی ایفاده ائتدی.
عسگری و گوونلیک یئتکیلیلرینین قاتیلدیغی بیر ییغینجاغین آردین‌دان جمهورباشقانلیغینین یایینلادیغی ویدئودا سعید،
"تونسین ایچین‌ده اولدوغو یاغما، یانغین و وضعیت قارشیسین‌دا اؤلکه‌نی قورتارماق اوچون فؤوق ا‌لعاده تدبیرلر آلما‌سی لازیم اولدوغونو" ایفاده ائد‌رک، آدینی وئرمه‌دیگی بعضی قروپلارین معین بؤلگه‌لرده ایچ ساواش چیخارماق اوچون پول ییغدیغینی ادعا ائتدی.
سعید، بیر نئچه آی اؤنجه آلمالاری لازیم اولان بو قرارلاری مجلس باشقانی راشد الغنوشی و باشباخان هشام المشیشی ایله ائتدیگی مشاوره‌لر سونراسین‌دا وئردیگینی ایفاده ائتدی.
مجلسین بوتون صلاحیتلرینی ۳۰ گون مدتله دوندوردوغونو، ملت وکیللرینین توخونولمازلیغینی آسقییا آلدیغینی، مؤوجود باشباخان هشام المشیشینی وظیفه‌دن آلدیغینی و اؤزونون تعیین ائده‌جگی بیر باشباخانین یئریتمه ارکینی تحویل آلاجاغینی بیلدیرن سعید، بیر قرارنامه یاییملایاجاغینی، بو قرارلارین درحال قوه‌یه گیره‌جگینی سؤیله‌دی.
اؤلکه‌ده بوتون هاواآلانلاری ایله سرحد قاپیلارینین باغلانیلدیغی خبر وئریلیر. اوردونون بعضی سیاست‌چیلری توتوقلامایا باشلادیغی دا گلن خبرلر آراسین‌دا.
مجلیس باشقانی و نهضه لیدئری غنوشی ایسه گلیشمه‌لری "چئوریلیش" اولاراق تانیملادی.
غنوشی "تونس یئنی بیر مصر، سعید ایسه یئنی بیر السیسی اولمایاجاق" دئیه‌رک، "دموکراتیک اولاراق سئچیلمیش پارلمان و حکومت هله ده وظیفه‌سینین باشین‌دا" دئیه دانیشدی.
غنوشی خالقی "دموکراسینی یئنی‌دن تاسیس ائتمک اوچون باریشچیل مبارزه‌یه" چاغیردی.
تونس‌لیلرین ایسه جمهورباشقانی سعیدین آچیقلامالاریندان سونرا کوچه‌لره چیخا‌راق قوتلامالارا باشلادیغی گؤرولدو.
گئچه‌ن آیلاردا، اؤزللیکله باشکند تونس اولماق اوزره اؤلکه‌ده، حکومت و مخالفت پارتیلرینه قارشی کوتلوی اعتراضلار گرچکلشمیش، چیخان حادثه‌لرده باش‌دا نهضه حرکتی اولماق اوزره پارتی مرکزلرینه سالدیریلار تشکیل ائدیلمیشدی.
ایلگیلی‌لی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجه‌سینده اؤلن گنج ده تظاهراتدا آنیلیب
