ایتالیانین موختلیف شهرلرینده آکسیا کئچیریلیب

ایتالیادا حکومتین بیر سیرا اجتماعی یئرلری زیارت ائتمک اوچون طلب اولونان "کووید-19" گواهی نامه لرینین (یاشیل کئچید سندی) تطبیقینه قارشی اعتراض آکسیا‌لاری کئچیریلیب، آکسیا‌لاردا بیر نئچه مین نفر ایشتیراک ائدیب.

پایتاخت رومانین ان ایشلک میدانلاریندان‌ بیری اولان پوپولودا توپ‌لاشان مین‌لرله اینسان تز-تز "آزادلیق، آزادلیق" و "یاشیل کئچیده خیر" کیمی شعارلار سسلندیردیکده، "دیکتاتورلوغا خیر" و "یاشاسین آنایاسا" یازیلمیش پلاکات لار داشیییب‌لار.

نوماییشچی‌لر داها سونرا مدیانین سانسورونا معروض قالدیق‌لارینی ادعا ائده‌رک، اعتراض آکسیاسینی ایتالیانین دؤولت کانا‌لی "RAI"-نین مرکزی بیناسی‌نین قارشی‌سیندا کئچیریب‌لر.

اعتراضچی‌لار یوروش زامانی مشعل یاندیرا‌راق باش ناظیر ماریو دراگی و ژورنالیست‌لره قارشی شعارلار سسلندیریب‌لر.

دیگر طرف‌دن، "کووید-19" اپیدمی‌سینه قارشی موباریزه‌ده یارادیلان باش ناظیرلیگین فوق العاده تداروک ایداره‌سی‌نین کمیسری باش ناظیر دراگی‌نین آچیقلاماسیندان سونرا آشی اولونماق اوچون واخت طلبینده 200 فایزدن چوخ آرتیم اولدوغونو مطبوعاتا آچیقلاییب.

قئید ائدک کی، دراگهی 22 جولای دا"یاشیل کئچید" سندی‌نین تفرروات‌لارینی ایضاح ائدرکن "ایتالیان اقتصادیاتی یاخشی گئدیر، برپا اولونور. ایتالیا دیگر آوروپا اؤلکه لریه موقاییسه‌ده داها سرعت‌لی بؤیویور، لاکین "دلتا" واریانتی جدی بیر تهلوکه‌دیر. "یاشیل کئچید" سندی کئفه گؤره تطبیق ائدیلمیر، اقتصادی فعالیت‌لرین داوام ائده بیلمه‌سی‌نین بیر شرطی‌دیر. دینج‌لیک اوچون بیر تدبیردیر" سؤزلریندن ایستیفاده ائتمیشدی.