بلژیک-ین گونئی‌ینده یئنی سئل باش وئریب

بلژیک-ده اون گون اول باش وئرن داشقین فلاکتیندن سونرا اؤلکه‌نین گونئی – دوغوسونداکی نامور و دینانت کیمی شهرلرده سئل قئیده آلینیب.

گون عرضینده یاغان گوجلو یاغیش سببیندن نامور شهری‌نین بعضی کوچه‌لری آخشام ساعات‌لاریندا سو آلتیندا قالیب. بیر چوخ ائوی سو باسیب.

بؤلگه‌ده یاشایان اینسان‌لارین سوسیال مئدیادا پایلاشدیغی گؤرونتولرده دینانتدا بعضی ماشین‌لارین سئل سولاری طرفیندن سوروکلندیگی گؤرولور.

بؤلگه‌دکی بعضی یول‌لارین سئل سببیله باغلاندیغی و ایستیناد دیواری‌نین چؤکمه‌سی سببیندن بیر چوخ ائوین بوشالدیغی بیلدیریلیب.

داشقینین سبب اولدوغو داغینتی‌لار و اینسان تلفاتی باره‌ده دقیق معلومات یوخ‌دور.