سون 24 ساعتدا دونیادا کوروناویروسا 573 میندن چوخ یولوخما قئیده آلینیب
دونیادا یئنی نوع کوروناویروسا (کووید-19) یولوخان‌لارین سایی سون 24 ساعات عرضینده 573 میندن چوخ آرتیب.
دونیادا یئنی نوع کوروناویروسا (کووید-19) یولوخان‌لارین سایی سون 24 ساعات عرضینده 573 میندن چوخ آرتیب.
سون 24 ساعات عرضینده 573 مین 762 نفر یئنی کوروناویروسا یولوخوب، 8 مین 646 نفر ایسه دونیاسینی دییشیب. بونونلا دا یولوخان‌لارین عومی سایی 194 میلیون 14 مین 60، اؤلن‌لر ایسه 4 میلیون 159 مین 695 نفره چاتیب.
دونیادا بو واختادک ان چوخ یولوخما حالی امریکا (35،2 میلیون)، هیندوستان (31،3 میلیون)، برزیل (19،6 میلیون)، روسیا (6 میلیون)، فرانسا (5،9 میلیون)، بؤیوک بریتانیا (5،6 میلیون) و تورکیه-ده (5،5 میلیون) قئیده آلینیب.
دیگر طرف‌دن، دونیا ساغلیق تشکیلاتی اؤنوموزدکی آیلاردا "دلتا" واریانتی‌نین یاییلماسی‌نین داها چوخ اولاجاغینی آچیقلاییب.
"قارشی‌داکی آیلاردا کوروناویروسون "دلتا" واریانتی دومینات‌لیغینی قورویوب ساخلایا‌جاق".
بو باره‌ده آوروپا خسته‌لیک‌لرین قارشی‌سی‌نین آلینماسی و نظارت مرکزی ایله و دونیا ساغلیق تشکیلاتی‌نین بیرگه یاییملادیغی معلوماتدا بیلدیریلیب.
"موجود وضعیته اساس‌لانا‌راق، "دلتا"واریانتی یاخین آیلاردا دونیادا حؤکم سورن گرگین‌لیک یارادا‌جاق. آرتیق دئمک اولار کی، بو، بوتون آوروپا اؤلکه‌لری اوچون ده معینلشدیریلیب"، معلوماتدا وورغولانیب.
راپوردا، همچنین، قئید ائدیلیب کی، داها رقابت‌لی ویروس اورتایا چیخماسا، "دلتا" دیگر واریانت لادان داها چوخ یاییلماغا داوام ائده‌جک.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
