اینگیلتره آسیا-پاسیفیک بولگه سینده حربی گمی یئرلشدیرهجک
اینگیلتره چینه قارشی ژاپونیا و امریکانین نفوذونو آرتیرماق اوچون موباریزه آپاردیغی آسیا-پاسیفیک بولگه سینده دایمی اولاراق ایکی حربی گمی یئرلشدیرجگینی آچیقلاییب.
اینگیلتره چینه قارشی ژاپونیا و امریکانین نفوذونو آرتیرماق اوچون موباریزه آپاردیغی آسیا-پاسیفیک بولگه سینده دایمی اولاراق ایکی حربی گمی یئرلشدیرجگینی آچیقلاییب.
اینگیلتره بیر مدتدیر تایوان داخیل اولماقلا موباحیثهلی بؤلگهلردکی فعالیتینی آرتیران چینه قارشی ژاپونیا ایله علاقهلرینی گوجلندیرمهیه سعی گؤستریر.
سپتامبر آییندا "کوئین الیزابت" اوچاق گمیسی و ایسکورت گمیلریندن عبارت دؤیوش تاپشیریق قروپو آسیا پاسیفیک-ده وظیفه یئرینه یئتیرمهیه باشلایاجاق.
محاربه تاپشیریق قروپونون بؤلگهده یوکسک سویهلی لیمان زیارتلری ائتمهسی پلانلاشدیریلیرکن اینگیلتره دقت چکن داها بیر آددیم آتدی.
ساوونما ناظیری بن والاس ژاپونیالی همکاری نوبو کیشی ایله توکیو-دا گؤروشدوکدن سونرا وئردیگی آچیقلامادا "وظیفه قروپو فعالیته باشلادیقدان سونرا اینگیلتره ایلین سونونا قدر بؤلگهیه 2 دایمی گمی گؤندرهجک" دئییب.
ژاپونیانین ساوونما ناظیری نوبوکیشی ده دؤیوش تاپشیریق قروپونون امریکا و ژاپونیا حربی بازالارینین اولدوغو ژاپون آدالارینا بیر نئچه دفعه سفر رئاللاشدیراجاغینی سؤیلهییب.
ایلگیلیلی خبرلر
جو بایدن گ7 لیدرلر زیروهسینده ایشتیراک ائدهجک
جو بایدن 13-15 جون تاریخلرینده ایتالیانین آپولیا بؤلگهسینده کئچیریلهجک گ7 زیروهسینه قاتیلاجاق