ویکتوریا نولاند تورکیه-نین کابل هاوا لیمانینین تهلوکهسیزلیگینی تامین ائتمهسینه موناسیبت بیلدیریب
ویکتوریا نولاند تورکیه-نین افغانیستان-داکی کابل هاوا لیمانینین تهلوکسیزلیگین تامین ائتمهسینین امریکا اوچون حیاتی اهمیت داشیدیغینی بیلدیریب.
"تورکیه-نین افغانیستان-داکی کابل هاوا لیمانینین تهلوکهسیزلیگینی تامین ائتمهسی مسئلهسی امریکا اوچون "حیاتی اهمیته" مالیکدیر".
بونو امریکا خاریجی ایشلر ناظیرلیگی سیاسی ایشلر مسئولو مستشاری ویکتوریا نولاند سنانین خاریجی علاقهلر کومیتهسینین تشکیل ائتدیگی "امریکانین تورکیه سیاستی" آدلی ایجلاسدا ائتدیگی چیخیشدا دئییب.
واشینگتن و آنکارانین اوکراینا و لیبی کیمی بولگهسل مسئلهلرده، خصوصیله ترورلا موباریزهده سیخ امکداشلیقدا اولدوقلارینی ایفاده ائدن نولاند ان چوخ قاچقینا ائو صاحیبلیگی ائدن اؤلکهیه چئوریلن تورکیه-یه سعیلرینه گؤره ده میننتدار اولدوقلارینی سؤیلهییب.
امریکا و ناتو-نون افغانیستان-داکی حربی میسیون لاری باشا چاتدیقدا تورکیه-نین کابل هاوا لیمانیندا قوهلر ساخلاماغا حاضیرلاشدیغینی ایفاده ائدن نولاند امریکا رهبرلیگی اولاراق بوندان سون درجه ممنون اولدوقلارینی بیلدیریب.
نولاند "بو تحفه بیزیم، متفیقلریمیز و طرفداشلاریمیزین قوشونلاریمیز گئری چکیلدیکدن سونرا کابل-ده گوجلو بیر دیپلوماتیک وارلیغیمیزی داوام ائتدیرمییمیز اوچون حیاتی اهمیت داشیییر" دئییب.
کابل هاوا لیمانینین تهلوکهسیزلیگی تامین ائدیلمهدن نه امریکا-نین، نه ده متفیق و طرفداشلارینین افغانیستان-داکی گوجلو وارلیقلارینی قورویا بیلمهیهجگینه دقت چکن نولاند تورکیه-نین هم افغان خالقی، هم ده بؤلگهدکی دیگر آکتیورلارلا اؤزونه مخصوص و خصوصی علاقهسی اولدوغونو و بو سببدن ده اوزون مودتلی پرسپکتیوده داها قالیجی طرفداش اولا بیلهجگینی دیله گتیریب.
نولاند تورکیه-نین دونیانین دؤرد بیر طرفیندهکی ناتو میسیون لارینا اهمیتلی تحفهسینین اولدوغونو وورغولایاراق، کابل هاوا لیمانینین تهلوکهسیزلیگینین تامین ائدیلمهسی بارهده هر ایکی طرفدکی تکنیکی هئیتلر اوچون بو کریتیک دوزنلهمهنی یئکونلاشدیرماق ساحهسینده بیرلیکده چالیشماغا داوام ائتدیکلرینی سؤزلرینه علاوه ائدیب.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب