پوتین: "ناتو سرحدلریمیزه یاخینلاشیر، ناراحاتیق"
روسیا فدراسیونونون پرزیدنتی ولادیمیر پوتین بیان ائدیب کی، ناتو روسیا سرحدلری یاخین‌لیغینا قوشون ییغیر.
روسیا پرزیدنتی ولادیمیر پوتین اؤلکه‌سی‌نین سرحدلرینده ناتو حربی قوه و آلت یاپیسینی یئرلشدیرمه‌سی‌نین ناراحات‌لیق وئردیگینی سؤیله‌ییب.
9-جو مسکوا اولوسلار آراسی تهلوکه‌سیزلیک کنفرانسی‌نین آچیلیش پروقرامینا گؤندردیگی ویدئو-چیخیشیندا ولادیمیر پوتین دئییب: "روسیا یئتکیلیلری باریش و تهلوکه‌سیزلیگی ضمانت آلتینا آلماق و علاقه‌دار بوتون اورتاق‌لارلا دیالوگ قورماق اوچون هر شئیی ائده‌جک.
هئچ بیر زامان دیگر اؤلکه‌لره ایستییمیزی دیکته ائتمیریک.
سیاسی و دیپلوماتیک یول‌لاردان ایستیفاده ائده‌رک برابر شرط‌لرده قلوبال و بولگه سل پروبلئم‌لرین حلی اوچون بوتون اؤلکه‌لرله یارادیجی امکداش‌لیغی گئنیشلندیرمه‌یه حاضیریق.
روسیانین سعی‌لری ریسک‌لری آزالتماق، تخمین لری معین ائتمک و سیلاحلانما داخیل اولماقلا بوتون مؤوضوع لاردا دیالوگ و کونکرئت موقاویله‌لرله حرکت ائتمک‌دیر.
سیاسی ایراده و اوزلاشما ایستکی‌نین مثبت نتیجه وئره بیله‌جگینه اینانیرام. بونون آچیق بیر دلیلی روسیا و امریکا‌نین یئنی استراتژی سلاح‌لارین آزالدیلماسی موقاویله‌سی‌نین 2026-جی ایله قدر اوزادیلماسی‌دیر.
روسیانین سرحدلرینده ناتو-نون حربی پتانسیلینی و آلت یاپیسینی اینکیشاف ائتدیرمه‌سی ناراحات وئریجی‌دیر. ناتو گرگین‌لیگی و گؤزلنیلمه‌ین حادثه‌لر ریسکینی آزالتما ایستیقامتینده روسیانین تکلیفینی رد ائدیر.
روسیا طرفی قوروجو علاقه‌لر و ساغلام فیکرین اینکیشاف ائتدیریلمه‌سی آرزوسونون غالیب گله جگینه اومید بسلییر.
قلوبال تهلوکه‌سیزلیگی ساغلامانین اهمیت‌لی ایستیقامتی بولگه سل قارشیدورما‌لارین حل ائدیلمه‌سی‌دیر. روسیا بو ایشده آکتیو شکیلده چالیشیر. مسئلن، سوریه مسئله‌سینده رولوموز وار. تورکیه و ایرانلا آستانا فورماتی چرچیوه‌سینده سیاسی و دیپلوماتیک ایشلر گؤردوک. روسیانین سایه‌سینده داغلیق قاراباغ-دا قارشیدورما‌لار دایاندیریلدی".
ایلگیلی‌لی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیش‌کسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب
