جو بایدن، کؤله‌لیگین قالدیریلدیغی 19 ژوئنی فدرال تعطیل اعلان ائدیب
امریکا-دا 19 ژوئن "جونتینت" گونونون فدرال تعطیل اولماسی تصدیقلندی.
امریکا پرزیدنتی جو بایدن 1865-جی ایلده کؤله‌لیگین تامامیله آرا‌دان قالدیریلماسی‌نین ایلدؤنومو موناسیبتیله قئید اولونان 19 ژوئن "جونتینت" گونونون فدرال تعطیل اولماسینی نظرده توتان قراری ایمضالادی.
آغ ائوده تشکیل ائدیلن مطبوعات کنفرانسیندا چیخیشیندا جو بایدن دئییب: "بؤیوک توپلوملار آغری‌لی خاطره‌لری گؤرمه‌مزلیگه وورماز، اونلاری سارییار. بؤیوک توپلوملار ائتدیک‌لریندن قاچا بیلمز، سهو‌لری‌نین نتیجه لریله اوزله شرلر.
امریکا-داکی افریقا کؤک‌لو توپلومون اؤلکه‌یه همیشه فایداسی اولوب.
کؤله‌لیک تاریخی و بونون آراشدیریلماسی ایله باغلی ائدیله‌جک چوخ ایش وار".
جو بایدن چیخیشیندان سونرا هر ایل ژوئن‌ین 19-ونون فدرال تعطیل اولماسی ایله علاقه‌دار نوماینده‌لر مجلیسی و سنا‌دان کئچمیش قراری ایمضالاییب.
خاطیرلاداق کی، امریکا-دا 19 ژوئن 1865-جی ایلده کؤله‌لیک تامامیله آرا‌دان قالدیریلیب.
