فرانسادا ماسک تاخما مجبوریتینه سون قویولور
فرانسا-دا 17-دن اعتباراً بعضی حاللار استثنا اولماقلا آچیق یئرلرده ماسک تاخما مجبوریتینه سون قویولاجاغی آچیقلانیب.
فرانسا-دا یئنی نوع کوروناویروسا (کووید-19) یولوخما حاللارینداکی آزالمادان سونرا ژوئنین 17-دن اعتباراً بعضی حاللار استثنا اولماقلا آچیق یئرلرده ماسک تاخما مجبوریتینه، ژوئنین 20-دن توتموش ایسه گئجه کوچهیه چیخما ساعاتی تطبیقینه سون قویولاجاغی بیلدیریلیب.
باش ناظیر ژان کاستکس ناظیرلر کابینهسینین توپلانتیسیندان سونرا تشکیل ائتدیگی مطبوعات کنفرانسیندا سون 7 گونده اورتا حسابلا گوندهلیک یولوخما سایینین 3 مین 200-ا ائندیگینی دئییب.
فرانسانین هئچ بیر بؤلگهسینده اپیدمی ایله باغلی هئچ بیر ناراحاتلیغین اولمادیغینی وورغولایان کاستکس بو گونه قدر 30 میلیوندان چوخ اینسانین آشی اولوندوغونو خاطیرلادیب.
کوتلوی وضعیتلر، ایستادیوم لارو مارکتلر خاریجینده آچیق اراضیلردهکی ماسک مجبوریتینه ژوئنین 17-دن سون قویولاجاغینی قئید ائدن کاستکس قاپالی یئرلرده ماسک تاخماغا داوام ائدیلمهسینین واجیبلیگینی وورغولاییب.
کاستکس 23.00-06.00 آراسیندا تطبیق اولونان قاداغان ساعتینین 30 ژوئن یئرینه 20 ژوئن ده لغو ائدیلهجگینی بیلدیریب.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.