میانمار-دا اعتراض آکسیا‌لاریندا حیاتینی ایتیرنلرین سایی 796 نفره چاتیب
میانمار سیاسی محبوس‌لارا یاردیم تشکیلاتی طرفیندن یاییم‌لانان گونده‌لیک راپوردا سون 24 ساعات عرضینده داها 6 نفرین اؤلدوگو بیلدیریلیب.
میانمار-دا حربی چئوریلیش و سئچیلمیش حکومت عضو‌لری‌نین حبس ائدیلمه‌سینه قارشی تشکیل ائدیلن اعتراض آکسیا‌لاریندا تهلوکه‌سیزلیک قوه‌لری‌نین سلاحلی موداخیله‌سی نتیجه‌سینده حیاتینی ایتیرنلرین سایی 796 نفره یوکسلیب.
میانمار سیاسی محبوس‌لارا یاردیم تشکیلاتی طرفیندن یاییم‌لانان گونده‌لیک راپوردا سون 24 ساعات عرضینده داها 6 نفرین اؤلدوگو بیلدیریلیب. راپوردا عمومی جان ایتکی‌سی‌نین 796 نفره یوکسلدیگی، داها 3 مین 998 نفرین ده ساخلانیلدیغی قئید اولونوب.
داها اول وئریلن معلوماتدا حیاتینی ایتیرنلر آراسیندا چوخ سایدا اوشاغین اولدوغو بیلدیریلمیشدی.
خاطیرلاداق کی، فوریه‌نین 1-ده میانمار اوردوسو اؤلکه‌نین خاریجی ایشلر ناظیرینی، دؤولت مشاوری آنگ سان سوچینی و باشقا رسمی شخص‌لری ساخلایا‌راق حاکمیتین اله کئچیریلدیگینی بیلدیرمیشدی و اؤلکده فوق العاده وضعیت رژیمی اعلان ائتمیشدی.
میانمار خالقی فوریه‌نین 6-دا دموکراسی‌نین یئنی‌دن تامین اولونماسی اوچون اعتراض آکسیا‌لاری کئچیرمه‌یه باشلامیشدی.
