دونیادا اؤتن گون کوروناویروسا 658 میندن چوخ یولوخما قئیده آلینیب

دونیادا کوروناویروسا یولوخان‌لارین سایی سون گون عرضینده 658 میندن چوخ آرتیب.

بو باره‌ده دونیا ساغلیق تشکیلاتی‌نین گونده‌لیک راپوروندا دئییلیر.

معلوماتا اساساً، اؤتن گون عرضینده 658 مین 585 نفر یئنی کوروناویروسا یولوخوب، 12 مین 034 نفر ایسه دونیاسینی دییشیب. یولوخان‌لارین عمومی سایی 162 میلیون 177 مین 376، اؤلن‌لرین ایسه 3 میلیون 364 مین178 نفره چاتیب.

تصدیقلنمیش یولوخما حادثه‌لری‌نین اکثریتی امریکا-دا قئیده آلینیب – 32 میلیون 574 مین 504 نفر. سیاهیدا داها سونرا هیندوستان (24 میلیون 684 مین 077)، برزیل (15 میلیون 519 مین 525)، فرانسا (5 میلیون 769 مین 839)، تورکیه (5 میلیون 106 مین 862)، روسیا (4 میلیون 940 مین 245)، بؤیوک بریتانیا (4 میلیون 448 مین 855)، ایتالیا (4 میلیون 153 مین 374)، ایسپانیا (3 میلیون 598 مین 452)، آلمانیا (3 میلیون 593 مین 434)، آرژانتین (3 میلیون 269 مین 466) و کلمبیا (3 میلیون 84 مین 460) گلیر.

قئید ائدک کی، دونیا ساغلیق تشکیلاتی‌نین راپورو یالنیز رسمی گؤستریجی‌لر اساسیندا حاضیرلانیر.