اؤلن اعتراضچیلارین ساییسی ۷۸۰ نفره یوکسلدی

میانماردا عسگری چئوریلیش و سئچیلمیش حکومت عضولرینین گؤزآلتینا آلینماسینا قارشی ائدیله‌ن اعتراض گؤستریلرین‌ده، گوونلیک گوجلرینین سلاحلی موداخیله‌سی نتیجه‌سینده اؤلنلرین ساییسی ۷۸۰ نفره یوکسلدی.

سیاسی محبوسلارا کؤمک قورولوشونون یاییملادیغی گونده‌لیک راپور‌دا، گوونلیک گوجلرینین اعتراضچیلارا سلا‌لی موداخیله‌سی نتیجه‌سینده سون ۲۴ ساعات‌دا ۴ نفرین داها حیاتینی ایتیردیگی بیلدیریلدی.

راپوردا، توپلام جان ایتکی‌سینین ۷۸۰ نفره چیخدیغی، ۳ مین ۸۲۶ نفرین گؤزآلتینا توتولدوغو قید ائدیلدی.

چئوریلیش قارشیدی مین ۵۴۰ نفر حاقین‌دا دا گؤزآلتی قرارینین اولدوغو ایفاده ائدیلدی.

اؤته یاندان عسگری چئوریلیشه قارشی اعتراضلاردا تأثیری اولدوغو بیلینه‌ن و ۸ می‌ده گؤزآلتینا آلینان میانمارلی شاعر خیت تی‌نین، گؤزآلتیندا توتولدوغو مونیوا شهرین‌ده‌کی اوردو مرکزینده حیاتینی ایتیردیگی آچیقلاندی.

میانمار عسگری یؤنتیمین‌دن، تی‌نین اؤلوم سببینه باغلی آچیقلاما گلمه‌دی.