سیآیای قرارگاهی قارشیسیندا سیلاحلی بیر شخص وورولدو
"مرکزیمیز گوونلی وضعیتده و حادثهیه قاریشان پرسنلیمیز یالنیز اولایی آراشدیران گوونلیک قوروما مأمورلاریمیزدیر"
آمریکا فدرال سوروشدورما بیروسو (افبیآی)، مرکزی استخبارات تشکیلاتینین (سیآیای) ویرجینیاداکی قرارگاهینین قارشیسیندا سلاحلی بیر شبههلینین گوونلیک گوجلری طرفیندن وورولدوغونو بیلدیردی.
افبیآی واشینگتن ساحه اوفیسیندن وئریلهن آچیقلامادا،
"افبیآی، ۳ می ۲۰۲۱ بازار ارتهسی آخشام (یئرلی) ساعات ۶.۰۰ دولاییندا بیر افبیآی آژانینین قاریشدیغی بیر سلاحلی اولایی آراشدیریر. مرکزی استخبارات تشکیلاتینین مکلین ویرجینیاداکی قرارگاهینین قارشیسیندا بیر گوونلیک حادثهسینه قاریشان بیر شخص، ماشینیندان سلاحلا ائنرک گوونلیک گوجلرینه آتیش ائتدی" دئییلدی.
شبههلی شخصین، افبیآی آژانی طرفیندن وورولماسییلا یارالاندیغی و یاخینداکی بیر خستهخانایا قالدیریلدیغی ایفاده ائدیلهن آچیقلامادا، شخصین سیآیای قاپیسینا گلهرک آراجیندا بومبا اولدوغونو ایفاده ائتمهسی اوزرینه حادثهلرین باشلادیغی، داها سونرا سیلاحییلا اتومبیلیندن چیخدیغی ایفاده ائدیلدی.
سیآیایدن وئریلهن آچیقلامادا ایسه، حادثهنین "بیر گوونلیک وضعیتی" اولاراق دگرلندیریلدیگی ایفاده ائدیلهرک،
"مرکزیمیز گوونلی وضعیتده و حادثهیه قاریشان پرسنلیمیز یالنیز اولایی آراشدیران گوونلیک قوروما مأمورلاریمیزدیر" دئییلدی.
سیآیای، آچیقلاماسیندا حادثه اوزرینه گوونلیک تدبیرلرینین آرتیریلدیغینی قید ائتدی.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب