G7 ذیروه سی اینگیلتره-ده باشلاییب

"بؤیوک یئددی‌لر" اؤلکه‌لری‌نین خاریجی ایشلر ناظیرلرینین ییغینجاغی لندن-ده باشلاییب.

1633609
G7 ذیروه سی اینگیلتره-ده باشلاییب

دونیانین صنایع ساحه‌سینده اینکیشاف ائتمیش 7 اؤلکه‌سی (G7) و آوروپا بیرلیگینی بیر آرایا گتیرن خاریجی ایشلر ناظیرلری سویه‌سینده G7  توپلانتی‌سی نؤوبتی صدری اینگیلتره-‌نین ائو صاحیب‌لیگی ایله پایتاخت لندن-ده باشلاییب.

اینگیلتره، آلمانیا، امریکا، فرانسا، ایتالیا، ژاپونیا و کانادا داخیل اولماقلا G7  اؤلکه‌لرینین خاریجی ایشلر ناظیرلری یئنی نوع کوروناویروس (کووید-19) اپیدمیسی باشلادیغی گوندن ایلک دفعه قارشی‌لیق‌لی ییغینجاق اوچون بیر آرایا گلیب‌لر.

ایجلاسا قوناق قیسمینده گونئی کره، هیندوستان، استرالیا و گونئی افریقانین خاریجی ایشلر ناظیرلری و حاضیردا آسه‌آن-ین صدرلیگینی ایجرا ائدن برونئی سلطان‌لیغی دعوت ائدیلیب.

11-13  ژوئن تاریخ‌لرینده اینگیلتره-‌نین گونئی- باتی سینداکی کورن‌وال قصبه‌سینده کئچیریله‌جک G7  دؤولت باشچی‌لاری ذیروه سینه حاضیرلیق اولا‌راق دا گؤرولن گؤروش 2 گون داوام ائده‌جک.

ایجلاسدا ایقلیم دییشیک‌لیگی، ایرانلا آتوم دانیشیق‌لاری، سوریه-ده داوام ائدن محاربه، میانمار-‌داکی حربی چئوریلیش، "کووید-19" اپیدمیسی، روسیا و چین مؤوضوع لاری‌نین موذاکیره‌سی گؤزلنیلیر.



ایلگیلی‌لی خبرلر