بایدن، کنگرهدهکی ایلک دانیشماسینی گرچکلشدیردی
"بو اؤلکهلرین اورتایا چیخاردیغی تهدیدلرله، دیپلوماسی و موطلق قرارلیلیقلا موباریزه اوچون متفیقلریمیزله یاخیندان چالیشاجاغیق"
آمریکا باشقانی جو بایدن، کنگرهدهکی ایلک دانیشماسیندا، اؤلکه ایچ و دیش سیاستینین آیرینتیلارینی آنلاتدی.
بایدن، ۲۰ ژانویه۲۰۲۱دن بو یانا ایلک دفعه کنگره اورتاق توپلانتیسیندا سنا و نمایندهلر مجلیسی عضولرینه خیطاب ائتدی.
بایدن، بو آندا عصرین ان پیس سالقینی اولان یئنی نسیل کوروناویروس (کووید-۱۹) و بؤیوک بحراندان (۱۹۲۹ دونیا اقتصادی بحران) بو یانا ان پیس اقتصادی بحران ایله قارشی قارشییا اولدوقلارینی سؤیلهدی.
بایدن، اؤلکهنین بوتون ایمکانلارینی آشی اوچون سفربر ائتدیکلرینی وورغولادی.
خاریجی سیاست قونوسوندا دا اؤنملی سؤزلر وئردیکلرینی ایفاده ائدن بایدن،
"چین دؤولت باشقانی شی (جینپینگ) ایله تلفن دانیشماسیندا اونا دا سؤیلهدیم، رقابتی ممنونیتله قارشیلاییریق و چاتیشما آرخاسیندا دئییلیک" ایفادهسینی ایشلتدی.
بایدن، روسیا دؤولت باشقانی ولادیمیر پوتین ایله تلفن دانیشماسیندا دا بیر چاتیشمانین آرخاسیندا اولمادیقلارینی آنجاق ائیلملرینین بیر نتیجهسینده اولاجاغینی سؤیلهدیگینی بیلدیرهرک،
"روسیانین سئچیملریمیزه موداخیلهسینه، حکومتیمیز و ایشلتمهلریمیزه سایبری سالدیریسینا متناسیب جاوابلار وئردیک. آنجاق مؤوضوع اورتاق منفعتلریمیزه گلدیگینده امکداشلیق ایچینده اولابیلریک. بوتون، بیزیم لازیم اولان جاوابلاری وئرجگیمیزی چوخ یاخشی آنلادی" دئیه دانیشدی.
ایران و قوزئی کرهنین نوکلئر پروگراملارینین دونیا اوچون جدی تهدید اولدوغونون وورغولایان بایدن،
"بو اؤلکهلرین اورتایا چیخاردیغی تهدیدلرله، دیپلوماسی و موطلق قرارلیلیقلا موباریزه اوچون متفیقلریمیزله یاخیندان چالیشاجاغیق" دئیه دانیشدی.
بایدن، افغانیستانداکی عسگرلر اوچون "آرتیق ائوه دؤنمه زامانی" مئساژینی وئردی.
"بو گون بیزیم وطنیمیزه ان بؤیوک ترور تهدیدی آغ عرقچیلیقدیر" ایفادهسینی ایشلدن بایدن،
"آغ عرقچیلیق بیر تروریزمدیر و بونو گؤرمزلیکدن گلهبیلمریک" دئدی.
بایدن، اؤلکهده سلاح ساتیشی قونوسونداکی قانونی آچیقلاری دا قاپاتماغا چالیشاجاقلارینی ایفاده ائتدی،
کؤچمنلیک قونوسوندا ایسه بایدن،
"۳۰ ایلدهن اوزون مدتدیر سیاستچیلر کؤچمنلیک اصلاحاتیندان بحث ائدیر اما هئچ بیر شئی ائدیلمیر. ایندی بونو دوزلتمه زامانی" شکلینده دانیشدی.
ایلگیلیلی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجهسینده اؤلن گنج ده تظاهراتدا آنیلیب