سون ماهنی: الوداع
باتان دنیزآلتیدا حیاتینی ایتیرهن عسگرلرین بیر نئچه هفته اؤنجه چکیلهن گؤرونتولری اوردو طرفیندن یایینلاندی
1629438
اندونزی اوردوسو، باتان دنیزآلتیداکی عسگرلرین "سامپای ژومپا" (الوداع) آدلی ماهنینی سؤیلهدیکلری گؤرونتولری یایینلادی.
اندونزیده ۲۱ آوریلده مانور سیراسیندا بالی آداسی سولاریندا باتان دنیزآلتیدا حیاتینی ایتیرهن عسگرلرین بیر نئچه هفته اؤنجه چکیلهن گؤرونتولری اوردو طرفیندن یایینلاندی.
گؤرونتولرده شن اولدوقلاری گؤرولهن عسگرلر، گیتار ایله ماهنی اوخویور. ماهنینین آدی، "سامپای ژومپا" یعنی الوداع.
اندونزیده گئچهن هفته، ایچینده ۵۳ عسگر اولان دنیزآلتی ایتدی.
آختارما قورتارما ایشلرینه آمریکا، مالازی و سنگاپورون دا آرالاریندا اولدوغو اؤلکهلردن ۲۵ دونانما گمیسی قاتیلدی.
دؤرد گون سونرا دنیزآلتی تاپیلمیش، ایچیندهکیلرین هامیسینین حیاتینی ایتیردیی آچیقلانمیشدی.