میانمار-دا حیاتینی ایتیرنلرین سایی 751 نفره چاتیب
میانمار-دا اؤلن‌لرین سایی آرتیب، ژورنالیست حبس ائدیلیب.
میانمار-دا حربی چئوریلیشه و سئچیلمیش حکومت عضو‌لرینین حبس ائدیلمه‌سینه اعتراض اولاراق کئچیریلن نوماییش‌لرده تهلوکه‌سیزلیک قوه‌لری‌نین سلاحلی موداخیله‌سی نتیجه‌سینده اؤلن‌لرین سایی 751-ا چیخیب.
سیاسی محبوس‌لارا یاردیم تشکیلاتی‌نین (AAPP) یاییملادیغی گونده‌لیک راپورا گؤره، سون 24 ساعات عرضینده اؤلکه‌ده داها 6 نفر هلاک اولوب.
عمومی جان ایتکی‌سی‌نین 751 اولدوغو، 3 مین 431 نفرین نظارته آلیندیغی قئید ائدیلیب.
1159 نفر باره‌سینده گوز آلتی تدبیری‌نین هله ده داوام ائتدیگی بیلدیریلیب.
دیگر طرف‌دن، حربی چئوریلیشه قارشی نوماییش‌لری دستکله‌ین میانمار یازیچی‌سی و ژورنالیست تو تو تانین حبس ائدیلدیگی اؤیرنیلیب.
"میانمار Now" " سایتینا آچیقلاما وئرن عائله عضو‌لری تهانین 18 یاشینداکی اوغلو ایله بیرلیکده 24 آوریلده گئجه یاری‌سی یانگونون تانلین بؤلگه‌سیندکی ائوینده ساخلانیلدیغینی بیلدیریب‌لر.
یاخین‌لاری تانین هارادا ساخلانیلدیغینی بیلمه‌دیک‌لرینی آچیقلاییب‌لار.
ایلگیلی‌لی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیش‌کسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب
