سودان ایسراییلی بایکوت قانونونو لغو ائدیب

سودان اگمنلیک شوراسی و ناظیرلر کابینه سی ایسراییل ایله موناسیبتلرین نورماللاشماسی چرچیوسینده 1958-جی ایلدن بری قوه‌ده اولان ایسراییلین بویکوت ائدیلمه‌سی ایله باغلی قانونو لغو ائدیب.

بو بارده سودان عدالت ناظیری ناصرالدین عبدالبری رسمی توییتر صحیفه سینده پای‌لاشیم ائدیب.

"قیسا مدت اوول سودان اگمنلیک شوراسی و ناظیر کابینه‌سی‌نین بیرگه ایجلاسیندا ایسراییلین بویکوت ائدیلمه‌سی ایله باغلی قانون لغو ائدیلدی"،-دئیه ناصرالدین عبدالبری بیلدیریب.

قئید ائدک کی، بو قانون سودان-‌لیلارین ایسراییل-ده‌کی هر هانسی بیر ایسراییل وطنداشی، قورولوش و یا خاریجی شیرکتلرله موقاویله باغلاماسینی قاداغان ائدیردی.

قانونلا ایسراییل منشأ‌لی محصول لارین سودانا داخیل ائدیلمه سینه و بو اؤلکه‌دن کئچمه‌سینه ایجازه وئریلمیردی. قانونون ماده لرینی پوزان‌لار 10 ایل آزادلیقدان محروم ائدیله بیلیردی.