آمریکا، افغانیستانا یئنیدن گوج گؤندرمهیهجک
"دونیادا وورماق دوروموندا قالدیغیمیزدا وورا بیلمهیهجگیمیز یئر یوخ"
آمریکا ساوونما باخانلیغی (پنتاگون) سؤزچوسو جان کربی، آمریکا بیرلیکلرینین چکیلمهسیندن سونرا آمریکانین افغانیستانا یئنیدن ترورلا موباریزه بیرلیکلرینی گؤندرمهسینین سؤز قونوسو اولمادیغینی سؤیلهدی.
گوندهلیک مطبوعات توپلانتیسیندا، آمریکانین چکیلمهسیندن سونرا افغانیستاندا وضعیت پیسلشسه بؤلگهیه ترورلا موباریزه بیرلیکلرینین گؤندریلمهسینین احتمالی اولوب اولمادیغی سوالینا کربی،
"کابل حؤکومتیله ترورلا موباریزه گوجلرینین یئنیدن افغانیستانا گؤندریلمهسی احتیمالینا باغلی هر هانسی بیر گؤروشمهمیز یوخ. اورتایا چیخابیلهجک تهدیدلره قارشی بؤلگهده یئترلی ترورلا موباریزه قابیلیتی ساخلایاجاغیق" جاوابینی وئردی.
افغانیستانا یئنیدن عسگر گؤندرمه پلانلارینین اولمادیغینین وورغولایان کربی،
"دونیا سویهسینده گوجلو بیر ترورلا موباریزه قابیلیتیمیز وار. دونیادا وورماق دوروموندا قالدیغیمیزدا وورا بیلمهیهجگیمیز یئر یوخ" دئیه دانیشدی.
آمریکا باشقانی جو بایدن، ۱ میدن باشلاماق اوزره آمریکانین افغانیستانداکی بوتون گوجلرینین ۱۱ سپتامبر ۲۰۲۱ ایلینه قدر چکیلهجگینی بیلدیرمیشدی.
ایلگیلیلی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجهسینده اؤلن گنج ده تظاهراتدا آنیلیب