نیجریه-ده تانکر پارتلاییب، اؤلن‌لر وار

نیجریه-نین گونئی-دوغوسوندا یئرلشن بنوئه ایالتینده یانا‌جاق داشییان اتومبیلین پارتلاماسی نتیجه‌سینده 12 نفر حیاتینی ایتیریب.

یئرلی حاکمیت اورگان‌لاری بو باره‌ده معلومات یاییب.قئید ائدیلیب کی،

بنوئه ایالتی‌نین اوشیگبودو – اوباگاجی یولوندا یانا‌جاق داشییان اتومبیل آشیب. نتیجه‌ده بنزین کوچه‌یه داغیلیب. داها سونرا پارتلاییش باش وئریب. پارتلاییش‌دان سونرا میدانا گلن یانغین ائولره کئچیب.

قضا یئرینده قورتاریجیلار ایشلییر. حادثه‌ده اوچو قادین بیری اوشاق اولماقلا 12 نفر اؤلوب. خیلی سایدا اینسان یارالانیب. اونلاردان بعضی‌لری‌نین وضعیتی آغیردیر. 100-دن چوخ ائو یانیب. اؤلن‌لرین دقیق سایی یانمیش ائولرین کشفیاتیندان سونرا معلوم اولا‌جاق.