گ7 اؤلکهلری و آورروپا بیرلیگی روسیا-اوکراینا گرگینلیگینه موناسیبت بیلدیریب
دونیانین 7 ان بؤیوک اقتصادیاتی اولان گ-7 اؤلکهلری و آوروپا بیرلیگی روسیانین اوکراینا سرحدیندهکی حربی گوجوندن ناراحات اولدوقلارینی بیلدیردی.
دونیانین 7 ان بؤیوک اقتصادیاتی اولان گ-7 اؤلکهلری و آوروپا بیرلیگی روسیانین اوکراینا سرحدیندهکی حربی گوجوندن ناراحات اولدوقلارینی بیلدیردی.
گ-7 اؤلکهلرینین خاریجی ایشلر ناظیرلری و آوروپا بیرلیگی-نین یوکسک نومایندهسی طرفیندن یاییملانان اورتاق آچیقلامادا "بیز گ-7 اؤلکهلری، کانادا، فرانسا، آلمانیا، ایتالیا، ژاپونیا، اینگیلتره و امریکا خاریجی ایشلر ناظیرلری و آوروپا بیرلیگی-نین یوکسک نومایندهسی اولاراق روسیانین اوکراینا سرحدینده و غیری-قانونی اولاراق ایشغال ائدیلن قیریم-دا داوام ائدن بؤیوک حربی ییغیناغیندان جدی ناراحاتلیق دویوروق" ایفادهلری یئر آلیب.
اولجهدن هر هانسی خبردارلیق ائدیلمهدن رئاللاشان بو گئنیش میقیاسلی حربی فعالیتین تهلوکه یاراتدیغینا و ثابتلیگی پوزان فعالیتلر اولدوغونا دقت چکیلن آچیقلامادا "روسیا تخریباتلارینی دایاندیرماغا و اولوسلار آراسی عهدهلیکلرینی چرچیوهسینده گرگینلیگی آزالتماغا چاغریلدی" دئییلیب.
آچیقلامادا روسیانین آوروپادا تهلوکهسیزلیک و امکداشلیق تشکیلاتی چرچیوهسینده حربی حرکتلیلیکله باغلی شفافلیغا دایر عهدهلیکلرینی یئرینه یئتیرمهسی و ویانا سندی چرچیوهسینده قورولموش پروسه دورلارا جاواب وئرمهسی ایستهنیلیب.
عینی اؤلکهلرین 18 مارس تاریخلی یازیلی بیلدیریشینین ده خاطیرلادیلدیغی آچیقلامادا اوکراینانین موستقیللیک، آگمنلیک و اراضی بوتؤولوگونه دستک تکرارلانیب و اوکراینانین بونا قارشی آتدیغی آددیملارین دستکلندیگی ایفاده ائدیلیب.
ایلگیلیلی خبرلر
توسک: دونیا یئنی بیر ساواش دؤنمینه گیردی
"کیمسهنی قورخوتماق ایستهمهم اما ساواش آرتیق گئچمیشده قالمیش بیر شئی دئییل"