نیجریه-ده سلاحلی شخص‌لرین قاچیردیغی 26 نفر قورتاریلیب

نیجریه-نین قوزیی باتی سیندا کادونا و زامفارا ایالت‌لرینده سلاحلی شخص‌لر طرفیندن گیروو ساخلانیلان 26 نفر حیاتا کئچیریلن عملیات نتیجه‌سینده قورتاریلیب.

کادونا ایالتی‌نین پولیس سؤزچوسو محمد جالیگ ایالتین بیرنین گواری بؤلگه‌سینده سلاحلی شخص‌لره قارشی عملیات کئچیریلدیگینی آچیقلاییب.

جالیگ عملیاتدا گیروو گؤتورولن 15 نفرین خلاص ائدیلدیگینی و چوخ سایدا سلاحلی‌نین دا یارا‌لی قاچدیغینی سؤیله‌ییب.

زامفارا ایالتی‌نین پولیس سؤزچوسو محمد شاهو  دا ایالتین مارو بؤلگه‌سینده سلاحلی‌لارا قارشی عملیاتدا 11 گیرووون خلاص ائدیلدیگینی بیلدیریب. شاهو ساغ قالان‌لارین ایالت رهبرلیگینه تحویل وئریلدیگی باره‌ده معلومات پایلاشیب.

بؤلگه بعضا حیواندارلیقلا مشغول اولان فولانی‌لر ایله اکینچی‌لیکله دولانان بعضی قبیله‌لر آراسیندا شدت‌لی قارشیدورما‌لارا صحنه اولور.

حیوان‌لارینی اوتارماق اوچون اؤلکه‌نین گونئی ینه کؤچ ائدن فولانی‌لر اکینچی‌لرین مال‌لارینی اوغورلاماغا جهد ائتدیگینی و اونلارا هوجوم ائتدیگینی ادعا ائدیر.