آمریکا، ایرانلا باغلی بعضی تحریملری قالدیرماغا حاضرلانیر
پرایس، آمریکانین ایرانلا گؤروشمهلر قونوسوندا عجلهسی اولمادیغینی سؤیلهدی
آمریکا، ایران نوکلئر آنلاشماسییلا اؤرتوشمهیهن تحریملری قالدیرماغا حاضرلانیر.
آمریکا خاریجی ایشلر باخانلیغی سؤزچوسو ند پرایس، گوندهلیک مطبوعات توپلانتیسیندا ایرانلا نوکلئر مذاکیرهلری و اتریشین باشکندی ویندهکی گؤروشمهلری دگرلندیردی.
پرایس، آمریکانین ایرانلا گؤروشمهلر قونوسوندا عجلهسی اولمادیغینی و گؤروشمهلرین چتین گئچمهسینه حاضر اولدوغونو ایفاده ائدرک وین گؤروشمهلرینین سونوندا آمریکانین چیخارلارینین قوروناجاغی بیر نتیجهیه چاتماغی آرزو ائتدیکلرینی ایفاده ائتدی.
پرایس، بعضی تحریملری قالدیرماغا حاضیرلاندیقلارینی، "ایرانلا نوکلئر آنلاشما شرطلرینه دؤنمک اوچون لازیم اولان آددیملاری آتماغا حاضرلانیریق کی بونا، نوکلئر آنلاشمایلا اوست-اوسته دوشمهیهن تحریملرین قالدیریلماسی داخیلدیر" سؤزلری ایله تصدیق ائتدی.
بو مرحلهده هانسی تحریم باشلیقلاری اوزرینده چالیشدیقلارینی آچیقلامایاجاغینی سؤیلهیهن پرایس، بونونلا بیرلیکده ایران دا آنلاشما شرطلرینه دؤنمهدن تک طرفلی تشویقلر وئرمهیهجکلرینی سؤزلرینه علاوه ائتدی.
ایلگیلیلی خبرلر
روسیهنین اوکراین راکت هوجوملاری
روسیهنین اوکراینین دنیپروپترووسک ویلایتینه راکت هوجوملاری نتیجهسینده ۸ نفر اؤلوب، 29 نفر یارالانیب