روسیا و امریکا نومایندهلری دونباس-داکی وضعیتله باغلی گوروشوبلر
روسیا خاریجی ایشلر ناظیرینین معاوینی سرگئی ریابکوو امریکانین رسمی لری ایله اوکراینانین دوغوسوندا دونباس بؤلگهسیندهکی وضعیتی موذاکیره ائتدیک.
اینگیلتره-نین باش ناظیری بوریس جانسون اوکراینا پرزیدنتی ولادیمیر زلنسکی ایله تلفون دانیشیغیندا اؤلکهسینین اوکراینانین اگمنلیگ و تورپاق بوتؤولوگونو دستکلهدیگینی وورغولاییب.
توییتر حسابیندان ائتدیگی پایلاشمادا بوریس جانسون یازیب: "اوکراینا پرزیدنتی ولادیمیر زلنسکی ایله روسیانین اوکراینا سرحدیندهکی ناراحات ائدیجی فعالیتلریله باغلی دانیشدیق. اینگیلتره-نین اوکراینانین تورپاق بوتؤولوگو و موستقیللیگینه سارسیلماز دستکینی تکرار ائتدیم".
بو آرادا، روسیا خاریجی ایشلر ناظیرینین معاوینی سرگئی ریابکوو امریکانین رسمی لری ایله اوکراینانین دوغوسوندا دونباس بؤلگهسیندهکی وضعیتی موذاکیره ائتدیک.
روسیانین تاس خبر آژانسینا دانیشان سرگئی ریابکوو دئییب: "امریکا-یا نه لر اولدوغونو آیرینتیلی شکیلده ایضاح ائتدیک. اوکراینا ایله امریکا بو بؤلگهده تحریک ائدیجی حرکتلره ال آتیر. رسمی واشنگتن بو سیاستین نتیجهلریندن ناراحات اولمالیدیر."
خاطیرلاداق کی، اوکراینانین باش قرارگاه رئیسی روسلان خومچاک 30 مارس دا پارلامئنتده ائتدیگی چیخیشیندا روسیا سلاحلی قوهلرینین حربی مانور بهانه سیله اوکراینا سرحدلری یاخینلیغینا عسگرلرینی سؤوق ائتدیگینی آچیقلامیشدی.
روسیا پرزیدنتینین سؤزچوسو دمیتری پسکوو ایسه روسیانین اؤز تورپاقلاری ایچینده حربی مانور کئچیردیگینی و بونون هئچ کیم اوچون تهدید اولمادیغینی بیلدیرمیشدی.
ایلگیلیلی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجهسینده اؤلن گنج ده تظاهراتدا آنیلیب