دونیا ساغلیق تشکیلاتیندان آوروپایا خبردارلیق
بو بارهده دونیا ساغلیق تشکیلاتینین آوروپا دیرئکتورو هانس کلوگه بیلدیریب.
دونیا ساغلیق تشکیلاتی آوروپانین آشی ایله باغلی تشکیلاتانماداکی یاواشلیغینا دقت چکهرک بولگه سل یئنی نوع کوروناویروس (کووید-19) یولوخما حاللارینین آرتدیغینی آچیقلاییب.
بو بارهده دونیا ساغلیق تشکیلاتینین آوروپا دیرئکتورو هانس کلوگه بیلدیریب.
کوروناویروسا یولوخما سایینین آرتدیغی آوروپادا آشی لاما ایشلرینین سرعتلندیریلمهسینین خصوصی اهمیت داشیدیغینی دئین کلوگه "هم معالیجه ائدن، هم ده یولوخمالارین قارشیسینی چوخ ثمرهلی شکیلده آلان آشی لار پاندمییه قارشی ان صرفهلی واسیطهدیر. لاکین آشی لارین تطبیقی چوخ لنگ گئدیر" دئییب.
دونیا ساغلیق تشکیلاتی آوروپادا اپیدمی وضعیتینین بیر نئچه آیدیر اولدوغوندان داها پیس اولدوغونو، بونون ناراحاتلیق دوغوردوغونو بیلدیریب.
تقریباً 1،5 آی اول هفتهلیک یئنی یولوخما سایینین بیر میلیونون آشاغیسینا دوشدوگو قاره ده کئچن هفته 1،6 میلیون یئنی یولوخمانین قئیده آلیندیغی ایفاده ائدیلیب
آوروپا بؤلگهسینده ویروسلا علاقهلی اؤلوملرین بیر میلیونا یاخینلاشدیغی، یولوخما سایینین ایسه 45 میلیونو کئچمک اوزره اولدوغو قئید ائدیلیب.
دونیا ساغلیق تشکیلاتی همچنین ویروسون سرعتله یاییلماسینین یئنی واریانتلارین یارانما ریسکینی آرتیرا بیلهجگینی ده خبردار ائدیب.