وولکان بوزکیر ایله آنتونی بلینکن آنلاین گوروشوبلر

بمت 75-جی عمومی ایجلاسی‌نین صدری وولکان بوزکیر ایله امریکا خاریجی ایشلر ناظیری آنتونی بلینکن کئچیردیک‌لری گؤروشده بمت ایله امریکانین امکداش‌لیغی وورغولانیب.

آنلاین کئچیریلن کنفرانسین مطبوعاتا آچیق حیسه‌سینده وولکان بوزکیر امریکا بمت-نین اهمیت‌لی اورتاغی اولدوغونو خاطیرلادیب.

یئنی رهبرلیگین اولوسلار آراسی قوروم‌لارلا یئنی‌دن علاقه لندیریلمه‌سی و اورتاق‌لیق و اتفاق‌لارا باغلیلیغیندان ممنونلوق دویولدوغونو ایفاده ائدن بوزکیر امریکا ایله بمت آراسینداکی سیخ امکداش‌لیغی سبیرسیزلیکله گؤزله‌دیک‌لرینی وورغولاییب.

بوزکیر گؤروشده یئنی نوع کوروناویروس (کووید-19) اپیدمیسی و آشی لارین برابر و عدالت‌لی پایلانماسی، میانمار-‌داکی چئوریلیش، سوریه بحرانی و ایسراییل-فیلیسطین پروبلئمی کیمی مؤوضوع لاری موذاکیره ائده‌جک‌لرینی بیلدیریب.

امریکا خاریجی ایشلر ناظیری آنتونی بلینکن ده هئچ بیر اؤلکه‌نین بو پروبلئم‌لری تک باشینا حل ائده بیلمه‌یه‌جگینی قئید ائده‌رک، امریکانین یئنی و داها یاخشی امکداش‌لیق یول‌لاری آختاردیغینی و بونون اوچون بمت سیستمی‌نین ان یاخشی واسیطه‌لردن بیری اولدوغونو سؤیله‌ییب.

چوخ طرف‌لی امکداشلیغین خصوصیله بو آندا واجیب اولدوغونو وورغولایان بیلینکن امریکانین بولگه‌سل و اولوسلار آراسی تشکیلات‌لارین پروبلئم‌لری‌نین و ایش بیرلیگی‌نین داها تأثیرلی اولماسی اوچون اوزرینه دوشنی یئرینه یئتیرجگینی قئید ائدیب.